Mga Talinhaga 2:6 - Marahay na Bareta Biblia

⁶ Huli ta an Kagurangnan iyo an nagtatao nin kadonongan; siya an nagtutukdo nin pakaaram asin pakasabot.

Mga Talinhaga 2:6 ပူးပေါင်းရင်းမြစ်များ

1 Mga Hade 10:24

asin an bilog na kinaban nagmawot na makaatubang ki Solomon tanganing hinanyogon an kadonongan na itinao nin Dios saiya.

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

1 Mga Hade 4:29

Tinawan nin Dios si Solomon nin kadonongan saka pakasabot na dai masusukol, asin nin mahiwas na pakaaram.

1 Mga Cronica 22:12

Tawan ka logod nin Kagurangnan na saimong Dios nin kadonongan asin pakasabot, tanganing kun gibohon ka na niyang hade nin Israel, maotob mo an saiyang mga togon.

Esdras 7:25

“Ika, Esdras, sosog sa kadonongan na itinao saimo nin saimong Dios, an mabugtak nin mga administrador saka mga hukom na mamamahala kan gabos na tawo sa Solnopan kan Salog nin Eufrates. Sinda gabos kaipuhan na tukdoan mo kan Katogonan nin saimong Dios.

Nehemias 7:5

Ipinasabong sako nin Dios na tiponon an mga tawo, an mga lider, mga opisyal dangan sensohon sinda sosog sa saindang kamaganakan. Nakua ko an listahan kan mga kamaganakan na naenot na nagbalik hale sa pagkatapokan, asin ini an nakasurat duman:

An Libro ni Job 12:16

“An Dios makosog asin danay na mapanggana; nasa irarom kan saiyang kapangyarihan an nadaya asin an nandaya.

An Libro ni Job 22:22

Akoa an itinatao niyang katukdoan; rimposa sa saimong puso an saiyang mga tataramon.

An Libro ni Job 32:8

Alagad an espiritu na yaon sa tawo, an hinangos nin Makakamhan, iyo an nagpapasabot sa tawo.

Salmo 119:104

Nakakakua ako nin kadonongan sa saimong mga togon, kaya an lambang maraot na gawe sakong kinaoongisan.

Salmo 119:34

Tawe ako nin pakasabot, tanganing maotob ko an saimong katogonan asin maotob ko iyan sa bilog kong puso.

Salmo 119:98

Pinapangagin akong mas madonong kan saimong mga togon ki sa mga kaiwal ko, huli ta iyan danay na kaibahan ko.

Salmo 19:7

An Katogonan nin Kagurangnan mayo nin kulang; nagtataong buhay sa kalag. An mga pagboot nin Kagurangnan masasarigan, nagtataong kadonongan sa mangmang.

Salmo 19:8

Matanos gabos an mga togon nin Kagurangnan, sa puso nagtatao nin kaogmahan. An mga pagboot nin Kagurangnan dalisay, minatao nin liwanag sa isip.

Salmo 51:6

Mawot mo an katotoohan sa lambang linalang, kaya panoa ako nin kadonongan.

Salmo 94:10

Siya an nagsasagwe sa mga nasyon—dai daw niya sinda papadusahan? Siya an paratukdo kan gabos na tawo—mayo daw siya nin pakaaram?

Exodo 31:3

asin pinano ko siya kan sakong kapangyarihan. Itinao ko saiya an kakayahan, an pakasabot asin kadonongan sa manlaen-laen na gibo sa arte—

Mga Talinhaga 6:23

Huli ta an togon sarong ilaw asin an katukdoan sarong liwanag, saka an mga pagsagwe mga dalan nin buhay.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 2:23

Inoomaw taka asin ginagalangan, Dios nin sakuyang mga ginikanan. Ika an nagtao sako nin kosog asin kadonongan; sinimbag mo an sakong pamibi asin ipinahiling samo an isasabi sa hade.”

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Juan 6:45

Nasusurat sa libro kan mga propeta, ‘Tutukdoan nin Dios an gabos na tawo.’ An nakadangog sa ama saka nakanood, minadolok sako.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.