Mga Talinhaga 2:4 - Marahay na Bareta Biblia

⁴ kun hanapon mo ini arog kan paghanap nin tawo sa plata asin hanapon iyan siring sa paghanap sa natatagong kayamanan—

Mga Talinhaga 2:4 ပူးပေါင်းရင်းမြစ်များ

Genesis 26:32

Kan aldaw na iyan, nag-abot an mga sorogoon ni Isaac asin nag-osip saiya manongod kan bubon na kinalot ninda. Olay ninda, “Nakakua kami nin tubig.”

An Libro ni Job 3:21

Hinahalat ninda an kagadanan, alagad dai iyan minadatong; mas boot pa ninda an lulubngan ki sa anoman na kayamanan.

Salmo 119:127

Namomotan ko an saimong mga kabotan orog pa ki sa bulawan, orog pa ki sa purong bulawan.

Salmo 119:14

Ikinakaogma kong kuyogon an saimong mga kabotan, orog pa ki sa gabos na yaman.

Salmo 119:72

Orog na mahalaga sa sako an itinao mong katogonan ki kan gabos na kwarta sa kinaban.

Salmo 19:10

Orog pang minamawot ki sa bulawan, ki sa purong bulawan; orog na mahamis ki sa dugos, asin sa mga tagdo nin anira.

Mga Talinhaga 16:16

Orog karahay an pakakua nin kadonongan saka pakaaram ki sa bulawan saka plata.

Mga Talinhaga 2:3

Kun maghagad ka nin pakaaram asin makimaherak nin pakasabot,

Mga Talinhaga 23:23

Bakong sayang maski bakalon mo an katotoohan, kadonongan, katukdoan saka pakasabot, alagad mahalaga ini nin marahay kaya dai dapat ipabakal.

Mga Talinhaga 4:7

An pakakua nin kadonongan iyo an pinakamahalaga. Maski ano pa an makua mo, pakaaram an saimong kuahon.

Mga Talinhaga 8:17

Namomotan ko an namomoot sako; an naghahanap sako nakakanumpong sako.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Mateo 13:44

“An Kahadean nin langit nakakaagid sa kayamanan na natatago sa oma. Nakalot iyan nin sarong tawo alagad tinahoban niya giraray. Dangan sa saiyang kaogmahan ipinabakal an gabos niyang rogaring asin binakal an omang iyan.

Mateo 19:29

An siisay man na nagbaya kan saiyang pamilya o mga tugang na babae asin lalaki, ama saka ina, mga aki o mga rogaring dahel sako, maako nin labi pa sa sanggatos na doble, asin magmamana kan buhay na daing kataposan.

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”