Mga Talinhaga 2:21 - Marahay na Bareta Biblia

²¹ Huli ta an mga matanos iyo an mag-eerok sa dagang ini asin an mga tawong mayo nin digta an mabubuhay diyan.

Mga Talinhaga 2:21 ပူးပေါင်းရင်းမြစ်များ

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 42:12

Benendisyonan nin Kagurangnan an huring kabtang kan buhay ni Job orog pa ki sa naenot. Nagkaigwa si Job nin katorse mil na karnero, seis mil na kamelyo, duwang ribong baka asin sangribong asno.

Salmo 37:11

alagad an daga masasadirihan kan mahuyo; mamumuhay siya sa kauswagan asin katoninongan.

Salmo 37:18

Aram nin Kagurangnan an mga aldaw kan mga mayo nin sala; sagkod pa man dai mawawara an saindang pamana.

Salmo 37:22

An mga benendisyonan nin Kagurangnan an makakasadiri kan daga, alagad an saiyang mga minaldisyon magkakagaradan.

Salmo 37:29

Masasadirihan kan mga matanos an daga asin mag-eerok sinda duman sagkod lamang.

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Salmo 37:9

An daga masasadirihan kan mga nagsasarig sa Kagurangnan; alagad an mga maraot papahaleon duman.

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Mga Talinhaga 10:30

Danay na magkakaigwa nin katiwasayan an matanos, alagad dai magdadanay sa daga an maraot.

Mga Talinhaga 28:10

An magdagka sa matanos na maggibo nin maraot mahuhulog sa sadiri niyang kalot. Alagad an mga mayong kasalan magmamana nin mga marahay na bagay.