Mga Talinhaga 2:20 - Marahay na Bareta Biblia

²⁰ Kaya maglakaw ka sa dalan kan mga marahay na tawo, asin magdanay ka sa mga agihan kan mga matanos.

Mga Talinhaga 2:20 ပူးပေါင်းရင်းမြစ်များ

Salmo 119:115

Humarayo kamo sa sako, mga paragibo nin maraot, tanganing maotob ko an mga katogonan nin sakong Dios.

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Mga Talinhaga 13:20

Mag-iba ka sa madonong nganing ika magin madonong; kun makipagkatood ka sa lolong mapapahamak ka.

Mga Talinhaga 4:11

Tinukdoan taka kan dalan nin kadonongan; pinangenotan taka sa mga agihan nin katanosan.

Mga Talinhaga 4:18

Alagad an dalan kan matanos arog kan liwanag nin kaagahon, na minaorog mantang nag-iitaas an aldaw.

Mga Talinhaga 8:20

Naglalakaw ako sa dalan nin katanosan; sinusunod ko an mga agihan nin hustisya.

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Hebreyo 6:12

Habo mi kamong magin hugakon, kundi arogon nindo idtong mga nagmamana kan mga ipinanuga nin Dios huli ta sinda nagtutubod asin mga matinios.

3 Juan 1:11

Namomotan kong Gayo, dai mo pag-arogon an maraot, kundi arogon mo an marahay. An siisay man na naggigibo nin marahay sadiri nin Dios; an siisay man na naggigibo nin maraot dai nakahiling sa Dios.