Mga Talinhaga 2:10 - Marahay na Bareta Biblia

¹⁰ Magigin madonong ka, asin an saimong pakaaram iyo an matao saimo nin kaogmahan.

Mga Talinhaga 2:10 ပူးပေါင်းရင်းမြစ်များ

An Libro ni Job 23:12

Danay kong ginigibo an mga pagboot nin Dios; kinukuyog ko an saiyang kabotan, bakong an sakong mga kamawotan.

Salmo 104:34

Mawilihan niya logod an sakong awit, huli ta yaon saiya an sakong kaogmahan.

Salmo 119:103

Mahamis na gayo an saimong mga katukdoan— orog na mahamis ki sa dugos sa sakong ngoso!

Salmo 119:111

An saimong mga togon iyo an sakong pamana sagkod lamang; iyan an kaogmahan kan sakong puso.

Salmo 119:162

Naoogma ako sa saimong tataramon, siring sa tawong nakakakua nin dakulang kayamanan.

Salmo 119:97

Namomotan kong gayo an saimong katogonan! Iyan an sakong pinaghohorophorop sa bilog na aldaw.

Salmo 19:10

Orog pang minamawot ki sa bulawan, ki sa purong bulawan; orog na mahamis ki sa dugos, asin sa mga tagdo nin anira.

Mga Talinhaga 1:4

Ginigibo kaining madonong an mayong eksperyensya asin tinutukdoan kaini an mga hoben kun paano an pagdesisyon nin tama.

Mga Talinhaga 14:33

An kadonongan nag-eerok sa isip kan tawong may pakasabot, alagad an mga lolong mayo nin naaaraman manongod sa kadonongan.

Mga Talinhaga 22:18

asin maoogma ka kun magiromdoman mo saka masambit an mga iyan.

Mga Talinhaga 4:6

Dai mo pagpabayaan an kadonongan asin iingatan ka niya; kamotan mo siya, asin babantayan ka niya.

Jeremias 15:16

Nagtaram ka sako, asin dinangog ko an lambang tataramon mo. Sadiri mo ako, Kagurangnan Dios nin mga hukbo, kaya an saimong tataramon kaogmahan asin kagayagayahan kan sakong puso.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.