Mga Talinhaga 19:8 - Marahay na Bareta Biblia

⁸ An naghihingowang magin madonong, namomoot sa saiyang sadiri; an nagpapahalaga sa saiyang nanodan, magigin mauswag.

Mga Talinhaga 19:8 ပူးပေါင်းရင်းမြစ်များ

Salmo 19:11

Huli kan saimong mga pagboot, an saimong sorogoon napapatanidan; igwa nin dakulang balos an pagkuyog kan mga iyan.

Mga Talinhaga 16:20

An naghihinanyog sa katukdoan magigin mauswag; paladan an tawong nagsasarig sa Kagurangnan.

Mga Talinhaga 17:16

Mayong karahayan na makukua an lolong maski maggasto man siya sa pag-aadal, huli ta mayo siya nin isip.

Mga Talinhaga 19:9

An putikon na saksi papadusahan asin an nagpuputik mapapahamak.

Mga Talinhaga 22:18

asin maoogma ka kun magiromdoman mo saka masambit an mga iyan.

Mga Talinhaga 3:18

An kadonongan sarong kahoy nin buhay para sa mga namumugol saiya; an mga namumugol saiya nin maigot inaapod na paladan.

Mga Talinhaga 3:21

Aki ko, mamugol ka sa saimong kadonongan asin pakaaram. Dai mo pagpabayaan na mawara sinda saimo.

Mga Talinhaga 3:22

Tatawan ka ninda nin buhay—sarong magayagaya saka maogmang buhay.

Mga Talinhaga 4:21

Dai mo pagpabayaan na mawara ini saimo; saraya ini sa saimong puso.

Mga Talinhaga 4:4

tinukdoan ako kan sakong ama. An sabi niya, “Magdanay logod sa saimong puso an sakong mga tataramon; kuyoga an sakong mga togon, asin mabubuhay ka.

Mga Talinhaga 4:6

Dai mo pagpabayaan an kadonongan asin iingatan ka niya; kamotan mo siya, asin babantayan ka niya.

Ezekiel 36:26

Tatawan ko kamo nin bagong puso, asin bubugtakan ko kamo nin bagong espiritu. Hahaleon ko sa saindo an sutil na pusong gapo asin tatawan ko kamo nin pusong makinuyog.

Juan 12:25

An siisay man na namomoot na magligtas kan saiyang buhay, mawawaraan kaiyan; alagad an siisay man na naoongis sa saiyang buhay sa kinaban na ini, magkakamit kaiyan para sa buhay na daing kataposan.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

1 Pedro 3:10

Siring sa nasusurat, “An siisay man na nagmamawot nin marahay na buhay asin nin maogmang mga aldaw, dapat maglikay sa pagtaram nin maraot, saka dai magputik.