Mga Talinhaga 19:29 - Marahay na Bareta Biblia

²⁹ Inandam na an padusa para sa mga paraolog-olog, asin an pamakol para sa mga lolong.

Mga Talinhaga 19:29 ပူးပေါင်းရင်းမြစ်များ

2 Mga Hade 2:24

Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

Salmo 1:1

Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios.

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 1:26

ngingisihan ko kamo sa saindong kasakitan asin tutuyatuyaon ko kamo kun abotan kamo nin takot—

Mga Talinhaga 10:13

Sa mga ngabil kan may pakasabot manunumpongan an kadonongan, alagad pamakol an dapat sa likod kan tawong mayo nin toltol na kaisipan.

Mga Talinhaga 17:10

An sarong pagsagwe orog na minatadom sa sarong madonong ki sa sanggatos na hampak sa sarong lolong.

Mga Talinhaga 18:6

An mga ngabil kan lolong nagdadara nin iriwal, asin an saiyang ngoso naghahanap nin kulog sa hawak.

Mga Talinhaga 26:3

An latigo para sa kabayo, an busal para sa asno, asin an pamakol para sa lolong na tawo.

Mga Talinhaga 3:34

An mga mapaabaw-abaw dai pinapahalagahan nin Kagurangnan, alagad an mga mapakumbaba saiyang naheherakan.

Mga Talinhaga 7:22

Nagsunod tolos siya sa babae arog sa bakang bubunoon, arog sa usa na naglulukso pasiring sa litag,

Mga Talinhaga 9:12

Kun igwa ka nin kadonongan, ika man sana an magkikinabang, alagad magtitios ka kun isikwal mo iyan.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 29:20

Iyan an magigin kataposan kan mga nang-aapi sa iba asin nagpapahiling nin mayong paggalang sa Dios. Gagadanon an gabos na makasalan.

Deuteronomio 25:2

Kun an nagkasala maninigong hampakon, papadapaon siya kan hukom dangan ipapahampak; an bilang kan hampak sosog sa gabat kan saiyang kasalan.

Hebreyo 12:6

Huli ta dinidisiplina nin Kagurangnan an namomotan niya, pinapakol an siisay man na inaako niya bilang aki.”