Mga Talinhaga 19:23 - Marahay na Bareta Biblia

²³ Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.

Mga Talinhaga 19:23 ပူးပေါင်းရင်းမြစ်များ

Salmo 103:17

Alagad an danay na pagkamoot nin Kagurangnan sagkod lamang para sa mga tawong may pagkatakot saiya; an saiyang katanosan magdadanay sa gabos na henerasyon;

Salmo 19:9

Marahay an paggalang sa Kagurangnan; magdadanay iyan sagkod lamang. Totoo an mga hatol nin Kagurangnan; matanos an gabos na iyan.

Salmo 25:13

Siya magigin mauswag sagkod pa man; an daga makakamtan kan saiyang kaakian.

Salmo 85:9

Totoong harani na an kaligtasan para sa mga may pagkatakot saiya, nganing an kamurawayan mag-erok sa daga.

Salmo 90:14

Pagkaaga panoa kami kan danay mong pagkamoot, tanganing mag-awit kami asin mag-ogma sa bilog nyamong pagkabuhay.

Salmo 91:10

mayong karatan na maabot saimo, mayong kadahasan na madolok sa saimong erokan.

Salmo 91:16

Babalosan ko siya nin halawig na buhay, asin ipapahiling ko saiya an sakong kaligtasan.”

Mga Talinhaga 10:27

An pagkatakot sa Kagurangnan nagpapahalawig nin buhay, alagad halipot an mga taon kan maraot na tawo.

Mga Talinhaga 11:19

An tawong nagdadanay sa katanosan mabubuhay, alagad an naglalamag sa karatan magagadan.

Mga Talinhaga 12:21

Mayo nin maraot na maabot sa matanos, alagad an tampalasan pano nin kasakitan.

Mga Talinhaga 19:22

Kaimbodan an hinahagad sa sarong tawo; mas marahay an sarong dukha ki sa sarong putikon.

Mga Talinhaga 22:4

An balos sa kapakumbabaan asin pagkatakot sa Kagurangnan iyo an kayamanan, kaomawan, saka buhay.

Mga Talinhaga 3:24

Kun ika maghigda, dai ka matatakot; matoninong kang matotorog kun banggi.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Mateo 5:6

“Paladan an mga nagugutom asin napapaha sa katanosan, huli ta sinda pakababasogon!

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.