Mga Talinhaga 19:18 - Marahay na Bareta Biblia

¹⁸ Disiplinahon mo an saimong aki mantang igwa pa nin panahon. Kun dai mo iyan gibohon, ika an nagtatabang saiya sa pagraot kan saiyang sadiri.

Mga Talinhaga 19:18 ပူးပေါင်းရင်းမြစ်များ

Mga Talinhaga 13:24

Kun dai mo pagpadusahan an saimong aki, dai mo siya namomotan. Kun namomotan mo siya, didisiplinahon mo siya.

Mga Talinhaga 19:19

An tawong may dakulang kaanggotan magbabayad kan padusa; kun iligtas mo siya, gigibohon mo man sana giraray iyan.

Mga Talinhaga 22:15

Natural sa aki an pagigin pilyo alagad sa paagi kan hampak makakanood siyang maggibo nin marahay.

Mga Talinhaga 25:28

An tawo na dai tataong magpugol sa sadiri garo syudad na sinalakay nin kaiwal saka binayaan na mayo nin kudal.

Mga Talinhaga 29:15

An pagsaway asin pagdisiplina marahay para sa aki. Alagad kun siya pabayaan sa saiyang kamawotan, ikakasopog siya kan saiyang ina.

Mga Talinhaga 29:17

Disiplinahon mo an saimong aki, asin tatawan ka niya nin kapahingaloan. An saimong puso tatawan niya nin kaogmahan.

Deuteronomio 21:18

“Halimbawa an sarong tawo igwa nin aking lalaki na sutil asin matumang, sarong aki na dai nagkukuyog sa saiyang mga magurang maski pinapadusahan na ninda siya.