Mga Talinhaga 19:17 - Marahay na Bareta Biblia

¹⁷ Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 19:17 ပူးပေါင်းရင်းမြစ်များ

2 Samuel 12:6

Huli sa karatan na ginibo niya asin huli ta dai siya naherak, kaipuhan na bayadan niya nin apat na beses an halaga kan saiyang kinua.”

Salmo 41:2

Inaampon siya nin Kagurangnan asin pinapadanay an buhay; inaapod na paladan digdi sa daga; dai siya itinatao sa kapangyarihan nin saiyang kaiwal.

Salmo 72:13

Naheherakan niya an maluya asin an dukha; saiyang iliniligtas an buhay kan mga nangangaipo.

Mga Talinhaga 12:14

Babalosan ka sosog sa saimong mga tataramon saka mga gibo; makakamtan mo an maninigo sa saimo.

Mga Talinhaga 14:21

Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 22:9

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Mga Talinhaga 28:27

An nagtatao sa mga dukha dai magkukulang, alagad an nagbibinuta sa saindang kamugtakan mamaldisyonon.

Mga Talinhaga 28:8

Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Parahulit 11:1

Magnegosyo ka sa ibang nasyon, asin maabot an aldaw na makakaganansya ka.

Parahulit 11:2

Magnegosyo ka nin manlaen-laen saka sa dakul na lugar, huli ta dai mo aram kun anong maraot na palad an maabot saimo sa kinaban na ini.

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

Deuteronomio 24:19

“Kun sa pagtipon nindo kan saindong ani, nalingawan nindo sa oma an sarong ginuygoy na trigo, dai na nindo idto pagbalikan. Pabayaan na nindo idto sa mga dayuhan, mga ilo asin mga babaeng balo tanganing bendisyonan kamo nin Kagurangnan na saindong Dios sa gabos nindong gibo.

Filipos 4:17

Bako ta boot kong pagregalohan, kundi boot kong mahiling na nagdudugang an bunga kan saindong mga gibo.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.