Mga Talinhaga 19:16 - Marahay na Bareta Biblia

¹⁶ An nag-iingat kan mga togon nin Dios, nag-iingat kan sadiring buhay; an naoongis kan mga iyan magagadan.

Mga Talinhaga 19:16 ပူးပေါင်းရင်းမြစ်များ

An Libro ni Job 5:2

Totoo nanggad na an kaanggotan minagadan sa lolong, asin an pag-imon minagadan sa kulang nin pakasabot.

Salmo 103:18

sa mga minaotob kan saiyang tipan asin maimbod na naggigiromdom kan saiyang mga togon.

Mga Talinhaga 13:13

An nagsisikwal kan marahay na hatol naghahanap nin karibokan, alagad an nagkukuyog kaiyan nakakalikay sa pag-alaman.

Mga Talinhaga 15:32

An tawong minasikwal nin katukdoan naoongis sa sadiri man sana niya, alagad an naghihinanyog sa hatol magigin madonong.

Mga Talinhaga 16:17

An dalan kan matanos paharayo sa karatan; an nag-iingat sa paglakaw, nag-iingat man kan saiyang buhay.

Mga Talinhaga 21:16

An kagadanan naghahalat sa kiisay man na minaharayo sa dalan nin pakasabot.

Mga Talinhaga 21:23

Kun boot mong makalikay sa ribok, mag-ingat ka sa pagtaram.

Mga Talinhaga 22:5

Mga tonok saka mga siod an nasa dalan kan tampalasan; an namomoot sa sadiri minalikay sa mga iyan.

Mga Talinhaga 29:18

An nasyon na mayo kan pangenot nin Dios, sarong nasyon na mayo nin katoninongan. Paladan an tawo na nag-ootob kan katogonan!

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 8:5

An minakuyog kan kabotan kan hade dai namumugtak sa pag-alaman; an sarong madonong na tawo nakakaaram kan paagi asin kun nuarin gibohon iyan.

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Ezekiel 33:5

Siya an babasolon, huli ta dai niya pinahalagahan an patanid. Kun pinahalagahan kuta niya, nakadulag kuta siya.

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Lukas 10:28

“Tama an simbag mo,” an sabi ni Jesus. “Giboha iyan asin mabubuhay ka.”

Lukas 11:28

Alagad nagsimbag si Jesus, “Orog na paladan an mga nagdadangog kan tataramon nin Dios asin nag-ootob kaiyan!”

Juan 14:15

“Kun namomotan nindo ako, kukuyogon nindo an sakong mga togon.

1 Corinto 7:19

Mayong halaga kun an tawo pagkaniserkomsisyonado o bako; an mahalaga iyo an pagkuyog kan mga katogonan nin Dios.

1 Juan 3:22

Inaako ta an anoman na hagadon ta saiya, huli ta inootob ta an saiyang mga togon asin ginigibo ta an ikinakaogma niya.

1 Juan 5:3

Huli ta an namomoot sa Dios nagkukuyog kan saiyang mga togon. An saiyang mga togon bako man masakit na pag-otobon,

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.