Mga Talinhaga 19:11 - Marahay na Bareta Biblia

¹¹ An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.

Mga Talinhaga 19:11 ပူးပေါင်းရင်းမြစ်များ

2 Mga Hade 5:12

Bakong an mga Salog nin Damasco, an Abana saka an Farpar, orog na marahay ki sa gabos na katubigan nin Israel? Dai daw ako pwedeng maghugas duman asin magin malinig?”

Mga Talinhaga 11:13

Mayo nin sekreto na dai ibinubuyagyag kan matabil, alagad maski an sadit na bagay itinatago kan mapapaniwalaan.

Mga Talinhaga 12:16

Nahihiling tolos sa lolong an pagkauyam, alagad an madonong dai nagtatao nin halaga sa insulto.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 15:18

An mainit na payo minapoon nin diskutiran, alagad an pagpugol sa sadiri minadara nin katoninongan.

Mga Talinhaga 16:32

Mas marahay an magin pasensyoso ki sa magin mapangyari. Mas marahay an pagpugol kan sadiri ki sa pagdaog kan bilog na syudad.

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Mga Talinhaga 20:22

Dai ka mag-isip na balosan nin maraot an maraot; halaton mo an Kagurangnan, asin tatabangan ka niya.

Mga Talinhaga 20:3

Kaomawan para sa tawo an paglikay sa iriwal; alagad an mga lolong mag-iiriwal.

Mga Talinhaga 25:21

Kun nagugutom an saimong kaiwal, pakakana siya; kun siya napapaha painoma siya.

Mga Talinhaga 29:11

Hayag kun maanggot an mangmang, alagad mayong girong na pinupugol kan madonong an saiyang kaanggotan.

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.