Mga Talinhaga 18:23 - Marahay na Bareta Biblia

²³ An dukha magalang kun makiolay, alagad mayong galang kun magsimbag an mayaman.

Mga Talinhaga 18:23 ပူးပေါင်းရင်းမြစ်များ

Genesis 42:30

“Tinuyaw kami kan gobernador kan Egipto asin pinagdudahan kaming mga espiya sa saiyang daga.

Genesis 42:7

Kan mahiling sinda ni Jose, namidbid niya sinda, alagad dai siya nagpamalisya. Hinapot niya sinda sa maisog na tingog, “Mga taga saen kamo?” “Mga taga Canaan kami asin napadigdi tanganing magbakal nin makakakan,” an simbag ninda.

1 Mga Hade 12:13

Isinikwal kan hade an hatol kan kamagurangan asin maisog na nagtaram sa banwaan.

2 Mga Cronica 10:13

Isinikwal kan hade an hatol kan mga kamagurangan, asin maisog na nagtaram siya sa mga tawo,

An Libro ni Job 41:3

Makikimaherak daw siya saimo nganing butasan mo? Tataramon daw nin pakimaherak an madadangog mo?

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Mga Talinhaga 19:7

An dukha ikinakaongis kan sadiri niyang mga tugang; kaya mayo siyang mga katood. Maski siya maghingowa, mayo siya nin makukuang katood.

Mga Talinhaga 22:7

An dukha oripon kan mayaman, asin an parautang oripon kan pinagkautangan.

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Mateo 5:3

“Paladan an mga dukha sa espiritu, huli ta sainda an Kahadean nin langit!

Santiago 2:3

Kun orog na galangan nindo an tawong magayon an gubing, dangan sabihan nindo siya, “Digdi ka tabi sa pinakamarahay na tukawan,” alagad an dukhang tawo sabihan nindo, “tindog sana diyan, o tukaw digdi sa pamitisan ko,”

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?

Ruth 2:7

Nakiolay siya sako na tugotan kong magsunod sa mga paraani asin siroton an mga natada. Nagtrabaho siya poon pa kasubagong aga, asin ngunyan pa sana nag-ontok tanganing magpahingalo sa payag sa kadikit na panahon.”

1 Samuel 2:36

An siisay man sa saimong kapagarakian na dai magadan, madolok sa pading iyan asin mahagad nin kwarta saka pagkakan, patin makikimaherak na tugotan na makatabang sa mga padi, tanganing igwa sanang makakan.”

1 Samuel 25:10

Nagsimbag si Nabal, “Siisay si David? Mayo akong midbid na siring an ngaran! Kadakul ngunyan an mga oripon na nagdudulag sa saindang mga kagurangnan!

1 Samuel 25:17

Kaya dapat maisihan mo ini tanganing maaraman mo an tamang gibohon, huli ta maraot an mangyayari sa satong kagurangnan asin sa bilog niyang pamilya. Dai niya dinadangog an siisay man huli kan maraot niyang ugale!”