Mga Talinhaga 18:21 - Marahay na Bareta Biblia

²¹ An itinaram mo pwedeng magligtas o magraot nin buhay; kaya dapat mong kakanon an mga bunga kan saimong mga tataramon.

Mga Talinhaga 18:21 ပူးပေါင်းရင်းမြစ်များ

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Mga Talinhaga 10:31

Kadonongan an minaluwas sa ngoso kan matanos, alagad an dila na nagtataram nin karatan puputolon.

Mga Talinhaga 11:30

Buhay an itinatao kan katanosan, alagad kagadanan an dara kan kadahasan.

Mga Talinhaga 12:13

An maraot na tawo nasisiod kan sadiring tataramon, alagad nakakalikay sa anoman na pag-alaman an matanos.

Mga Talinhaga 21:23

Kun boot mong makalikay sa ribok, mag-ingat ka sa pagtaram.

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Isaias 57:19

Makikipagtoninong ako sa gabos, nasa harani man sinda o nasa harayo! Papaomayan ko an sakong banwaan.

Oseas 10:13

Alagad embes na gibohon nindo iyan, nagtanom kamo nin karatan asin nag-ani kan bunga kaiyan. Kinakan nindo an bunga kan saindong mga kaputikan. “Huli ta nagsarig kamo sa saindong mga karwahe asin sa dakul nindong soldados,

2 Corinto 11:15

Kaya bakong makangangalas kun an saiyang mga sorogoon magsagin-sagin man tanganing mahiling na garo sinda mga sorogoon nin katanosan. Kun ano an saindang mga gibo iyo man an saindang magigin kataposan.

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

Efeso 4:29

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Colosas 4:6

An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.