Mga Talinhaga 18:2 - Marahay na Bareta Biblia

² Dai nawiwili an lolong sa paghanap nin pakasabot; mas boot niyang mahiling kan ibang tawo na dakul an saiyang naaaraman.

Mga Talinhaga 18:2 ပူးပေါင်းရင်းမြစ်များ

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 12:23

Dai ipinaghahambog kan madonong na tawo an saiyang naaaraman, alagad ipinapahayag kan lolong an saiyang kalolongan.

Mga Talinhaga 13:16

Minaisip ngona an madonong bago maghiro, alagad an lolong nagpapahiling kan saiyang kamangmangan.

Mga Talinhaga 17:16

Mayong karahayan na makukua an lolong maski maggasto man siya sa pag-aadal, huli ta mayo siya nin isip.

Mga Talinhaga 18:3

Kun minaabot an karatan, minaabot man an kasosopgan. Kun nawawara an onra, minasalihid an pag-olog-olog.

Parahulit 10:3

An saiyang kalolongan mahahayag maski sa mga dayuhan na saiyang nasasabat sa dalan; ipinapaaram niya sa gabos na siya sarong lolong.

Mateo 8:34

Kaya sinabat si Jesus kan gabos na tawo sa banwaan na idto. Nakimaherak sinda na maghale siya sa saindang teritoryo.

1 Corinto 14:12

Kaya huli ta boot nindong magkaigwa kan mga balaog kan Espiritu Santo, hingowahon nindong gamiton nin marahay an mga balaog na makakapakosog sa simbahan.

1 Corinto 8:1

Ngunyan dapit sa mga kakanon na idinolot sa mga dios-dios. Siring sa sinasabi ninda, “Kita gabos igwa nin pakaaram,” totoo man nanggad iyan. An siring na pakaaram nakakapaabaw-abaw sa tawo, alagad an pagkamoot nakakapatalubo.

Filipos 1:15

Totoo na si Cristo ipinaghuhulit kan iba huli sa pagkaori o sa pakiiwal, alagad an iba naghuhulit huli sa marahay na boot.