Mga Talinhaga 17:7 - Marahay na Bareta Biblia

⁷ An marahay na pagtaram dai makukua sa sarong lolong, ni an kaputikan sa sarong prinsipe.

Mga Talinhaga 17:7 ပူးပေါင်းရင်းမြစ်များ

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

An Libro ni Job 34:12

Sa katotoohan, an Dios dai magibo nin karatan, an Makakamhan dai mabiko kan katanosan.

Salmo 31:18

An ngoso kan mga putikon saimong serahan, ta sa kaanggotan asin sa kapaabaw-abawan, tumang sa matanos sinda nagtataram.

Mga Talinhaga 12:19

Halipot an buhay kan kaputikan, alagad nabubuhay sagkod lamang an katotoohan.

Mga Talinhaga 12:22

Nauuyam an Kagurangnan sa mga putikon, alagad nawiwili siya sa mga tawong nag-ootob kan saindang panuga.

Mga Talinhaga 19:10

An luhong pamumuhay bakong angay sa lolong; orog nang bakong maninigo para sa sarong oripon na siya mamayo sa mga prinsipe.

Mga Talinhaga 24:7

An hararom na kasabihan dai masasabotan kan mangmang. Mayo siya nin ikakataram kun igwa nin mahalagang pag-orolay.

Mga Talinhaga 26:1

An kaomawan bakong angay sa sarong lolong, arog kan nyebe sa tig-init o kan uran sa panahon nin tig-ani.

Mga Talinhaga 26:7

Kun paanong an mga bitis na pilay mayo nin pakinabang, siring man an talinhaga sa ngoso kan lolong.

Mga Talinhaga 29:12

Kun an sarong pamayo maghinanyog sa kaputikan, magigin putikon an gabos niyang opisyal.

Mateo 7:5

Parasagin-sagin! Halea ngona an dakulang ati sa mata mo tanganing makahiling ka nin marahay; dangan pwede mo nang mahale an sadit na ati sa mata kan saimong tugang.