Mga Talinhaga 17:5 - Marahay na Bareta Biblia

⁵ An nagtutuyatuya sa dukha nag-iinsulto sa Dios na naglalang saiya. Papadusahan an nag-oogma sa maraot na palad nin iba.

Mga Talinhaga 17:5 ပူးပေါင်းရင်းမြစ်များ

An Libro ni Job 31:29

“Dai ako naogma kan magtios an sakong mga kaiwal, ni nagngisi kan sinda napahamak;

Salmo 69:9

An pagkamoot ko sa saimong Templo minalaad siring sa kalayo; an mga pagduhagi saimo minahugpa sako.

Mga Talinhaga 14:21

Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 16:5

Ikinakaongis nin Kagurangnan an gabos na mapaabaw-abaw; laomon mo na dai sinda makakadulag sa saiyang padusa.

Jeremias 17:16

Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Ezekiel 25:3

Sabihan mo sinda na maghinanyog kan itinataram ko, an Kagurangnan Dios: Huli ta nag-ogma kamo kan mahiling nindong nadigtaan an sakong Templo, kan maraot an daga nin Israel, asin kan itinapok an banwaan nin Juda,

Obadias 1:10

“Huli ta hinabonan mo asin ginadan an mga tugang mong lalaki, an mga kapagarakian ni Jacob, gagadanon ka asin sosopogon sagkod lamang.

Obadias 1:16

Ininom kan sakuyang banwaan an mapait na kalis nin padusa sa sakong banal na bulod. Alagad an gabos na nasyon sa palibot mainom kan orog pang mapait na kalis nin padusa; iinomon ninda iyan gabos asin mapapara sinda.

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

1 Juan 3:17

Kun mayaman an sarong tawo, dangan nahihiling niya an saiyang tugang na nangangaipo, alagad dai niya tinatabangan, paanong makapagsabi siya na may pagkamoot siya sa Dios?