Mga Talinhaga 17:27 - Marahay na Bareta Biblia

²⁷ Bakong matinaram an tawong may pakaaram. An tawong haloy maanggot igwa nin pakasabot.

Mga Talinhaga 17:27 ပူးပေါင်းရင်းမြစ်များ

Mga Talinhaga 10:19

Kun mas dakul an tataramon, dakul man an kasalan; an igwa nin marahay na isip, bakong matinaram.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 15:28

An matanos minaisip ngona bago magsimbag. An maraot minasimbag tolos, alagad nagigin dahelan kan ribok.

Mga Talinhaga 16:32

Mas marahay an magin pasensyoso ki sa magin mapangyari. Mas marahay an pagpugol kan sadiri ki sa pagdaog kan bilog na syudad.

Parahulit 9:17

Mas marahay an magdangog sa maluway na mga tataramon nin sarong madonong na tawo, ki sa magdangog sa kurahaw nin sarong pamayo sa sarong konseho nin mga lolong.

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Santiago 3:18

Asin an katanosan iyo an bunga kan itinanom sa katoninongan kan mga parapatoninong.

Santiago 3:2

Kita gabos nakakaginibo nin mga sala. An tawong dai nasasala sa saiyang pagtaram sarong tawong perpekto; nakakapugol man siya kan saiyang bilog na pagkatawo.