Mga Talinhaga 17:15 - Marahay na Bareta Biblia

¹⁵ An minaoyon sa tampalasan asin an minapadusa sa matanos parehong ikinakaongis nin Kagurangnan.

Mga Talinhaga 17:15 ပူးပေါင်းရင်းမြစ်များ

1 Mga Hade 21:13

Naglaog an duwang mayong halagang tawo, nagtukaw sa atubangan ni Nabot asin nagsumbong nin siring kaini laban saiya: “Minaldisyon ni Nabot an Dios saka an hade.” Kaya dinara ninda siya sa luwas kan syudad asin ginapo sagkod na nagadan.

Salmo 94:21

na nagmamawot nin maraot tumang sa mga matanos na tawo asin minakondenar sa kagadanan sa mga mayo nin kasalan?

Exodo 23:7

Dai ka magtugod-tugod; dai mo paggadanon an tawong mayong sala asin matanos, huli ta dai ko paliligtason an may sala.

Mga Talinhaga 11:1

Ikinakauyam nin Kagurangnan an timbangan na may daya. Naoogma siya sa timbangan na tama.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 17:26

Bakong marahay an pagpadusa sa matanos, asin bakong tama na paghampakon an mga nobleng tawo.

Mga Talinhaga 18:5

An pagkampi sa tampalasan bakong marahay, siring man an dai pagtao nin hustisya sa tawong matanos.

Mga Talinhaga 31:5

Kun sinda nabuburat, nalilingawan ninda an katogonan asin napapabayaan an deretso kan mga mayong sukat.

Mga Talinhaga 6:16

Pitong bagay an ikinakaongis asin ikinakauyam nin Kagurangnan: An kapaabaw-abawan, an putikon na dila, an mga paragadan nin mga tawong mayo nin sala, an puso na nagmumukna nin mga maraot na plano, an mga bitis na naghihidali sa paggibo nin karatan, an saksi na nagpuputik, asin an tawong dahelan nin pag-iriwal kan mga magkaratood.

Isaias 5:20

Herak man sa nagsasabing marahay an maraot asin maraot an marahay, sa mga tawong an kadikloman ginigibong liwanag, asin an liwanag ginigibong kadikloman, sa mga tawong an kapaitan ginigibong kahamisan asin an kahamisan ginigibong kapaitan!

Isaias 5:23

Alagad pinapatalingkas ninda an mga may kasalan huli sa suhol, asin inoolang ninda an mga mayong sala sa pagkamit nin katanosan!

Mga Panambitan 3:35

kun isinasayuma an itinao niya satong mga deretso, iyan saiyang naaaraman;

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Amos 5:12

Huli ta aram ko an kadakul nindong kasombikalan asin kun gurano kadakula an saindong mga kasalan. Pinapasakitan nindo an mga matanos, minaako kamo nin suhol, saka dai nindo itinatao an deretso kan mga dukha.

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Roma 4:5

Alagad an dai nagsasarig sa mga gibo niya, kundi nagtutubod sa Dios na nagtatao nin katanosan sa sarong parakasala, pinapangagin matanos nin Dios sa saiya huli sa saiyang pagtubod.

Deuteronomio 25:1

“Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.

Santiago 5:6

Kinondenar nindo saka ginadan an mga tawong mayong sala, asin dai sinda minatumang saindo.