Mga Talinhaga 17:14 - Marahay na Bareta Biblia

¹⁴ An pagpoon nin ribok garo pagpabulos nin tubig; kaya ontokon iyan bago magdakula.

Mga Talinhaga 17:14 ပူးပေါင်းရင်းမြစ်များ

2 Samuel 19:41

Dangan nagduruman sa hade an gabos na Israelita asin nagsabi, “Mahal na Hade, tadaw ta naghohona an mga taga Juda na pwede kang kuahon samo dangan ibahan ninda, an saimong pamilya asin an mga tawohan mo sa pagbalyo sa Jordan?”

2 Mga Cronica 13:17

Dakul an ginadan ni Abias asin kan saiyang hukbo—kinyentos mil na mga piling soldados nin Israel.

Mga Talinhaga 13:10

An kapaabaw-abawan mayo nin ibubunga kundi iriwal. Sarong kadonongan an paghagad nin hatol.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Mga Talinhaga 16:32

Mas marahay an magin pasensyoso ki sa magin mapangyari. Mas marahay an pagpugol kan sadiri ki sa pagdaog kan bilog na syudad.

Mga Talinhaga 17:19

An namomoot sa kasalan namomoot sa pakiiwal, asin an tawong mahambog naghahanap nin kapahamakan.

Mga Talinhaga 19:11

An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.

Mga Talinhaga 20:3

Kaomawan para sa tawo an paglikay sa iriwal; alagad an mga lolong mag-iiriwal.

Mga Talinhaga 25:8

Dai ka magmadali sa pagdara sa hukoman kan ano man na nahiling mo. Huli ta kun may magpatotoo na nasasala ka, ano an saimong gigibohon?

Mga Talinhaga 26:21

Nagdadanay na malaad an baga kun igwa nin oring, an kalayo kun igwa nin igatong, siring man an diriskutiran kun igwa nin nagpaparibok.

Mga Talinhaga 29:22

An tawong madaling maanggot iyo an nagigin dahelan nin dakul na pag-iriwal asin karibokan.

Roma 12:18

Sagkod sa makakaya nindo, mamuhay kamong matoninong sa kaibahan nin gabos na tawo.

1 Tesalonica 4:11

Hingowahon nindo na mamuhay kamo na matoninong; atoman sana nindo an sadiri nindong buhay, asin magkaigwa kamo nin sadiring hanap-buhay, siring sa hatol mi saindo kaidto.