Mga Talinhaga 17:13 - Marahay na Bareta Biblia

¹³ Kun karatan an ibabalos nin sarong tawo sa karahayan, an karatan dai mahahale sa saiyang harong.

Mga Talinhaga 17:13 ပူးပေါင်းရင်းမြစ်များ

2 Samuel 12:10

Kaya magpoon ngunyan, magagadan sa dahas an nagkapira sa saimong kapagarakian sa lambang henerasyon, huli ta tinalikodan mo ako asin saimong kinua an agom ni Urias na Heteo.

1 Mga Hade 21:22

An saimong pamilya magigin arog sa pamilya ni Jeroboam na aking lalaki ni Nebat, asin arog sa pamilya ni Baasa na aking lalaki ni Ahias, huli ta pinaanggot mo ako saka pinapagkasala mo an Israel!’

Salmo 35:12

Karatan an balos ninda sa karahayan; an sakuyang kalag nawawaran nin paglaom.

Salmo 38:20

An mga minabalos nin karatan para sa karahayan sakong kaiwal, huli ta mawot ko an karahayan.

Mga Talinhaga 13:21

An parakasala linalamag kan kasakitan, alagad an matanos binabalosan nin kauswagan.

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Mateo 27:5

Inapon ni Judas sa Templo an kwarta saka naghale siya dangan nagbitay.

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.

1 Tesalonica 5:15

Hingowahon nindo na mayo saindong magbalos nin maraot sa maraot, kundi dayaday kamong maggibo nin marahay sa lambang saro saindo saka sa gabos na tawo.

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.

1 Samuel 19:4

Kaya inomaw ni Jonatan si David ki Saul asin nagsabi, “Dai ka man logod magkasala sa sorogoon mong si David. Mayo siyang naginibong maraot saimo; an totoo, an gabos na ginibo niya anas nakatabang saimo.

1 Samuel 24:17

Nagsabi pa si Saul ki David, “Mas matanos ka ki sa sako. Ginibohan mo ako nin karahayan, mantang karatan an ginibo ko saimo!

1 Samuel 25:21

Nagsasaboot kaidto si David, “Tano ta binantayan ko pa an pagsadiri kan tawong idto digdi sa kalangtadan? Mayong nawara sa pagsadiri niya, asin ngunyan binabayadan niya nin karatan an ginibo kong karahayan!