Mga Talinhaga 16:9 - Marahay na Bareta Biblia

⁹ Minaplano an tawo, alagad an Kagurangnan iyo an minagiya kan saiyang mga lakad.

Mga Talinhaga 16:9 ပူးပေါင်းရင်းမြစ်များ

2 Mga Cronica 22:7

An pagdalaw na ini ni Ahazias ki Joram iyo an ginamit nin Dios na paagi tanganing mangyari an pagbagsak ni Ahazias. Huli ta kan yaon duman ki Joram si Ahazias, sinabat sinda kan aking lalaki ni Nimsi, na an ngaran Jehu, an lalaki na pinili nin Kagurangnan na magtunaw kan pamilya ni Ahab.

Salmo 37:23

An tawo pinapangenotan nin Kagurangnan sa saiyang paglakaw; asin inaataman niya an saiyang nawiwilihan.

Mga Talinhaga 16:1

Nasa tawo an pagplano, alagad nasa Dios an huring tataramon.

Mga Talinhaga 16:8

Mas marahay an kadikit na kwarta na pinagpagalan ki sa kadakul na nakua sa pandadaya.

Mga Talinhaga 19:21

Kadakul kan mga plano nin sarong tawo, alagad an kabotan nin Kagurangnan an magdadanay.

Mga Talinhaga 20:24

Itinalaan nin Kagurangnan an mga lakad kan tawo kaya paano masasabotan nin siisay man an dalan na saiyang linalakawan?

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.

Jeremias 10:23

Kagurangnan, naaraman ko na an tawo bakong kagurangnan kan sadiri niyang aabotan; bakong kapot nin tawo an sadiri niyang buhay.

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”