Mga Talinhaga 16:30 - Marahay na Bareta Biblia

³⁰ Mag-ingat sa tawong pangisingisi saka pakorokimlat saimo; igwa siyang iniisip na maraot.

Mga Talinhaga 16:30 ပူးပေါင်းရင်းမြစ်များ

Mga Talinhaga 10:10

Nakakaparibok an tawong nagtatago kan katotoohan, alagad an tawong hayag na minasagwe nagtatrabaho para sa katoninongan.

Mga Talinhaga 16:27

An tawong tampalasan nagpaplano nin karatan, asin an saiyang tataramon garo kalayong mainit nin marahay.

Mga Talinhaga 16:29

Dinadaya kan madahas an saiyang katood, dangan dinadara niya ini sa dalan na maraot.

Mga Talinhaga 16:31

An halawig na buhay iyo an balos sa matanos; an mga puting buhok korona nin kamurawayan.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Mateo 13:15

huli ta kulapos an isip kan mga tawong ini; tinatahoban ninda an saindang mga talinga, pinipirong ninda an saindang mga mata, ta tibaad sinda makamaan, o makadangog, o makasabot, dangan magdolok sako nganing paomayan ko.’

Juan 3:20

An siisay man na naggigibo nin maraot naoongis sa ilaw. Dai siya minadolok sa liwanag tanganing dai mailawan an mga maraot niyang gibo.