Mga Talinhaga 16:29 - Marahay na Bareta Biblia

²⁹ Dinadaya kan madahas an saiyang katood, dangan dinadara niya ini sa dalan na maraot.

Mga Talinhaga 16:29 ပူးပေါင်းရင်းမြစ်များ

Nehemias 6:13

Binayadan siya ninda tanganing takoton ako asin magkasala; dangan raoton an ngaran ko asin sopogon ako.

Mga Talinhaga 11:9

Pwede kang maraot kan tataramon nin bakong diosnon na tawo, alagad an kadonongan kan matanos pwedeng magligtas saimo.

Mga Talinhaga 12:26

An matanos na tawo iyo an giya kan saiyang katood, alagad an dalan kan maraot minapasiring sa pagkalagalag.

Mga Talinhaga 16:28

An tawong biko an kaisipan nagpapalakop nin iriwal, asin an matabil nagpapasuhay nin magkatood.

Mga Talinhaga 16:30

Mag-ingat sa tawong pangisingisi saka pakorokimlat saimo; igwa siyang iniisip na maraot.

Mga Talinhaga 3:31

Dai ka maori sa madahas na tawo o mag-isip na arogon an saiyang gibo.

2 Pedro 3:17

Alagad kamo, mga tugang, aram na nindo an mga bagay na ini, kaya mag-ingat kamo tanganing dai kamo madara kan mga sala kan mga tawong maraot, dangan mahale sa ligtas na namumugtakan nindo ngunyan.

1 Samuel 19:11

Kan banggi man sanang idto, pinabantayan ni Saul sa nagkapirang lalaki an harong ni David tanganing magadan niya pagkaaga. Alagad, pinatanidan si David ni Mical na saiyang agom, “Kun dai ka magdulag ngunyan na banggi, magagadan ka sa aga.”

1 Samuel 19:17

Hinapot ni Saul si Mical, “Tadaw ta dinaya mo ako sa paaging ini, asin pinabayaan na makadulag an sakong kaiwal?” Nagsimbag si Mical, “Nagsabi siya na gagadanon niya ako kun dai ko siya tabangan na makadulag.”