Mga Talinhaga 16:27 - Marahay na Bareta Biblia

²⁷ An tawong tampalasan nagpaplano nin karatan, asin an saiyang tataramon garo kalayong mainit nin marahay.

Mga Talinhaga 16:27 ပူးပေါင်းရင်းမြစ်များ

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Mga Talinhaga 16:26

An gana sa pagkakan an orog na nakakapahigos sa sarong trabahador, huli ta boot niyang mabolong an saiyang gutom.

Mga Talinhaga 16:28

An tawong biko an kaisipan nagpapalakop nin iriwal, asin an matabil nagpapasuhay nin magkatood.

Mga Talinhaga 16:30

Mag-ingat sa tawong pangisingisi saka pakorokimlat saimo; igwa siyang iniisip na maraot.

Mga Talinhaga 19:28

An maraot na saksi minabiko kan hustisya; an maraot na tawo namomoot sa karatan.

Mga Talinhaga 2:4

kun hanapon mo ini arog kan paghanap nin tawo sa plata asin hanapon iyan siring sa paghanap sa natatagong kayamanan—

Mga Talinhaga 6:12

An sarong mayong halaga asin maraot na tawo minalibot sa pagpalakop nin mga kaputikan.

Mga Talinhaga 6:14

Karatan an nasa laog kan madaya niyang puso; maski saen, siya an nagpopoon nin iriwal.

Isaias 5:18

Herak man sa naggigibo nin karatan huli sa saindang kaputikan. Herak man sa mga naggigibo nin kasalan asin dai nakakatalingkas diyan,

Habakkuk 2:13

Nagparagal sa mayong kamugtakan na trabaho an mga nasyon na sinakop nindo; an gabos nindang pinatindog nagkakasurulo man sana. An Kagurangnan nin mga hukbo iyo an kaggibo kaini.

Santiago 3:6

An dila garo kalayo. Iyan sarong kinaban nin karatan na kabtang kan satong hawak na nakakadigta kan bilog tang hawak! An kalayo kan dila gikan sa impyerno; kinakalayohan kaiyan an bilog nyatong pagkatawo.

1 Samuel 25:17

Kaya dapat maisihan mo ini tanganing maaraman mo an tamang gibohon, huli ta maraot an mangyayari sa satong kagurangnan asin sa bilog niyang pamilya. Dai niya dinadangog an siisay man huli kan maraot niyang ugale!”