Mga Talinhaga 16:20 - Marahay na Bareta Biblia

²⁰ An naghihinanyog sa katukdoan magigin mauswag; paladan an tawong nagsasarig sa Kagurangnan.

Mga Talinhaga 16:20 ပူးပေါင်းရင်းမြစ်များ

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

Salmo 125:1

An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

Salmo 146:5

Maogma an tawo na an tabang iyo an Dios ni Jacob, na an paglaom yaon sa Kagurangnan na saiyang Dios.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 32:10

Kadakul an titioson kan mga maraot, alagad an danay na pagkamoot nakapalibot sa mga tawong nagsasarig sa Kagurangnan.

Salmo 34:8

Aramon nindo kun gurano karahay an Kagurangnan. Paladan an nagpapaili sa saiya.

Mga Talinhaga 13:13

An nagsisikwal kan marahay na hatol naghahanap nin karibokan, alagad an nagkukuyog kaiyan nakakalikay sa pag-alaman.

Mga Talinhaga 13:15

An kadonongan nakakakua nin paggalang, alagad an tawong dai masasarigan nasa dalan na pasiring sa kapahamakan.

Mga Talinhaga 17:2

An tusong sorogoon pwedeng masakop an mayong pakinabang na aki kan saiyang amo asin mahirasan kan pamana bilang saro sa magturugang.

Mga Talinhaga 19:8

An naghihingowang magin madonong, namomoot sa saiyang sadiri; an nagpapahalaga sa saiyang nanodan, magigin mauswag.

Mga Talinhaga 8:35

Huli ta an nakakakua sako, nakakakua nin buhay, asin nawiwilihan siya nin Kagurangnan.

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Daniel 3:28

Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Daniel 6:23

Naogma nin marahay an hade asin nagboot na hawason si Daniel sa kalot. Kaya hinawas ninda si Daniel asin nahiling nindang dai man lamang siya nalugadan, huli ta nagsarig siya sa Dios.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.