Mga Talinhaga 16:2 - Marahay na Bareta Biblia

² Naghohona an tawo na tama an gabos niyang ginigibo, alagad tinitimbang nin Kagurangnan an tunay niyang katuyohan.

Mga Talinhaga 16:2 ပူးပေါင်းရင်းမြစ်များ

Salmo 36:2

Huli ta inoomaw niya an saiyang sadiri; naghohona na dai maaaraman nin Dios an saiyang kasalan asin dai kaoongisan.

Mga Talinhaga 12:15

An lolong danay na naghohona na siya an tama, alagad an madonong naghihinanyog sa hatol.

Mga Talinhaga 16:25

Igwa nin dalan na garo matanos sa paghiling nin tawo, alagad kagadanan an nasa poro kaiyan.

Mga Talinhaga 17:3

Binabalo sa kalayo an bulawan saka an plata, alagad an minabalo kan puso nin tawo iyo an Kagurangnan.

Mga Talinhaga 21:2

An paghona kan tawo tama an gabos niyang gibo, alagad an Kagurangnan an naghuhukom kan nasa saiyang puso.

Mga Talinhaga 24:12

Pwede kang magsabi, “Dai ako dapat makiaram,” alagad nakakaaram an Dios asin naghuhukom kan nasa saimong puso. Aram iyan kan Dios na nagmamasid saimo. Babalosan ka niya sosog sa saimong ginigibo.

Mga Talinhaga 30:12

Igwa nin mga tawo na naghohona na sinda malinig, alagad dai man ninda nalilinig an saindang ati.

Mga Talinhaga 5:21

Nahihiling nin Dios an gabos mong gibo. Saen ka man magduman namamasdan ka niya.

Isaias 26:7

Kagurangnan, pinatag mo an agihan kan mga matanos; pantay an dalan na saindang linalakawan.

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Daniel 5:27

TEKEL, tinimbang ka sa timbangan asin nakuang nagkukulang;

Mga Bilang 22:32

Naghapot an anghel, “Tadaw ta hinampak mo nin makatolo an saimong asno? Napadigdi ako tanganing olangon an saimong agihan, huli ta dai mo dapat ginibo an paglakaw na ini.

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Kapahayagan 2:18

“Suratan mo an anghel kan simbahan sa Tiatira: “Iyo ini an mensahe kan Aki nin Dios, na may mga matang garo kalayong naglalaad, asin may mga bitis na garo bronseng nagkikintab.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

Hukom 17:6

Dai pa nin hade kaidto sa Israel, kaya an lambang saro naggigibo kan pinaghohona niyang tama.

Hukom 7:6

An bilang kan mga nagsaldok nin tubig asin nag-inom sa saindang kamot uminabot sa tres syentos; an gabos na natada, nagruluhod ngona dangan nag-inom.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.