Mga Talinhaga 16:15 - Marahay na Bareta Biblia

¹⁵ An marahay na boot kan hade garo mga panganoron na nagdadara nin uran kun tig-init; buhay an makukua diyan.

Mga Talinhaga 16:15 ပူးပေါင်းရင်းမြစ်များ

Salmo 21:6

Bendisyon iwinaras mo saiya sagkod pa man; pinaogma mo huli kan saimong presensya.

Salmo 30:5

Minaagi sana an saiyang kaanggotan, alagad an saiyang karahayan sagkod lamang. Pwedeng magbulos an luha sa pagkabanggi, alagad an kaogmahan minadatong sa pagkaaga.

Salmo 4:6

Dakul an nagsasabi, “Makahiling logod kami nin mga karahayan! Hilinga kami na may pagkaherak, O Kagurangnan!”

Salmo 72:6

Siya magin logod siring kan uran sa kaomahan, siring kan tagiti na minahulog sa daga.

Mga Talinhaga 16:14

Hinihingowa kan madonong na mapaogma an hade huli ta kun maanggot an hade, igwa nin tawong magagadan.

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Mga Talinhaga 29:26

Dakul an nagmamawot na mawilihan sinda kan hade, alagad sa Kagurangnan sana pwede kang makakua nin hustisya.

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Zacarias 10:1

Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.

Mga Gibo 2:28

Itinukdo mo sako an dalan pasiring sa buhay, papanoon mo ako nin kaogmahan huli kan saimong presensya.