Mga Talinhaga 16:14 - Marahay na Bareta Biblia

¹⁴ Hinihingowa kan madonong na mapaogma an hade huli ta kun maanggot an hade, igwa nin tawong magagadan.

Mga Talinhaga 16:14 ပူးပေါင်းရင်းမြစ်များ

Genesis 40:2

Naanggot an hade sainda

Esther 7:7

Anggot nin marahay na nagtindog an hade, nagluwas sa kwarto, dangan nagduman sa tatamnan kan palasyo. Nahiling ni Haman na desidido an hade na padusahan siya, kaya nagpawalat siya tanganing makimaherak ki Reyna Esther.

Mga Talinhaga 15:18

An mainit na payo minapoon nin diskutiran, alagad an pagpugol sa sadiri minadara nin katoninongan.

Mga Talinhaga 16:13

Boot kan hade na madangog an katotoohan, asin an nagtataram kaiyan saiyang nawiwilihan.

Mga Talinhaga 16:15

An marahay na boot kan hade garo mga panganoron na nagdadara nin uran kun tig-init; buhay an makukua diyan.

Mga Talinhaga 17:11

An tawong maraot mayo nin hinahanap kundi an pagrebelde, kaya sarong makuring sugo an ipapadara laban saiya.

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Mga Talinhaga 20:2

An kaanggotan nin hade garo ungal kan leon; an minapaanggot saiya nawawaraan kan sadiring buhay.

Mga Talinhaga 29:26

Dakul an nagmamawot na mawilihan sinda kan hade, alagad sa Kagurangnan sana pwede kang makakua nin hustisya.

Mga Talinhaga 29:8

An mapaabaw-abaw minaparibok kan bilog na banwaan, alagad pinapara kan mga madonong an kaanggotan.

Parahulit 10:4

Kun maanggotan ka kan pamayo, dai ka maghale sa saimong katongdan; huli ta an dakulang mga kasalan pwedeng patawadon kun dai ka sana maggirong.

Daniel 2:16

Nagduman tolos si Daniel sa hade asin nakimaherak na tawan siya nin panahon tanganing ikasabi niya sa hade an kahulogan kan pangatorogan.

Markos 6:27

Kaya sinugo niya tolos an sarong bantay na darahon an payo ni Juan. Nagduman sa bilanggoan an bantay; pinugotan niya si Juan,

Mga Gibo 12:20

Naanggot nin makuri si Herodes sa mga taga Tiro asin Sidon; kaya boronyog sindang nakipaghilingan ki Herodes. Nakipagkatood ngona sinda ki Blasto, na namamahala kan palasyo, dangan nagduman sinda ki Herodes saka nakipag-olian saiya, huli ta an pagbuhay ninda hale sa daga na sakop kan hade.

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.