Mga Talinhaga 16:10 - Marahay na Bareta Biblia

¹⁰ Igwa nin banal na awtoridad an hade kun siya minataram; an saiyang mga hatol gabos tama.

Mga Talinhaga 16:10 ပူးပေါင်းရင်းမြစ်များ

Genesis 44:15

Nagsabi si Jose, “Ano ining ginibo nindo? Dai nindo aram na an tawong arog sako pwedeng makahula kan saindong ginibo?”

Genesis 44:5

Tano ta hinabon nindo an platang kalis kan sakong kagurangnan? An kalis na idto an saiyang iniinoman asin ginagamit sa paghula. Grabe an saindong naginibong pagkakasala!’”

2 Samuel 14:16

Huli ta dadangogon niya ako asin ililigtas sa boot gumadan sako asin sa sakong aki tanganing mapara kami sa dagang itinao nin Dios sa saiyang banwaan.’

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

2 Mga Cronica 26:16

Alagad kan makosog na nin marahay si Uzzias, nagin mapaabaw-abaw siya na iyo an dahelan kan saiyang pagbagsak. Sinalungat niya an Kagurangnan na saiyang Dios kan maglaog siya sa Templo tanganing magtutong nin insenso sa altar nin insenso.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Mga Talinhaga 29:4

Kun may pagmakulog an hade sa hustisya, nagigin pusog an nasyon; alagad kun kwarta sana an saiyang pinagmamakulogan, raraoton niya an saiyang banwaan.

Oseas 10:4

Mayo nin kahulogan an saindang mga sinasabi; naggibo sinda nin bakong totoong mga sumpa asin mayong halagang mga tipan. An hustisya nagin inhustisya, na nagtatalubo arog sa nakakahudong na doot sa sarong inaradong oma.

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.