Mga Talinhaga 15:32 - Marahay na Bareta Biblia

³² An tawong minasikwal nin katukdoan naoongis sa sadiri man sana niya, alagad an naghihinanyog sa hatol magigin madonong.

Mga Talinhaga 15:32 ပူးပေါင်းရင်းမြစ်များ

Salmo 50:17

Habo kang sagweon; tinalikodan mo an mga pagboot ko.

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 10:17

An naghihinanyog kun sinasaway mabubuhay, alagad an dai minaako kan saindang kasalan nasa pag-alaman.

Mga Talinhaga 13:18

An tawo na habong makanood magigin dukha asin mapapasopog, alagad an siisay man na naghihinanyog sa pagsagwe gagalangan.

Mga Talinhaga 15:14

An tawong may pakasabot naghahanap nin pakaaram, alagad an mangmang kontento na sa saiyang kamangmangan.

Mga Talinhaga 15:21

An mangmang naoogma sa saiyang kalolongan, alagad ginigibo kan madonong an matanos.

Mga Talinhaga 15:31

An tawong naghihinanyog sa tamang hatol magdadanay na kaibahan kan mga madonong.

Mga Talinhaga 15:33

An pagkatakot sa Kagurangnan nagtutukdo nin kadonongan, asin an kapakumbabaan nagbubunga nin kaomawan.

Mga Talinhaga 15:5

An tawong minasikwal kan katukdoan kan saiyang ama sarong lolong, alagad an minaako nin pagsagwe sarong madonong.

Mga Talinhaga 17:16

Mayong karahayan na makukua an lolong maski maggasto man siya sa pag-aadal, huli ta mayo siya nin isip.

Mga Talinhaga 18:15

An tawong madonong danay na nagmamawot asin andam na makanood.

Mga Talinhaga 19:20

Hinanyogon mo an hatol asin akoon mo an katukdoan tanganing magkaigwa ka nin kadonongan sa maabot na panahon.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Parahulit 7:5

Mas marahay para sa sarong tawo na sagweon siya nin sarong madonong ki sa omawon siya nin mga lolong.

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 3:9

An saindang pagpapalaen an masaksi laban sainda; ipinapahayag ninda an saindang kasalan siring sa Sodoma, dai ninda itinatago iyan. Herak man sainda! Huli ta sinda man sana an nagdara nin kapahamakan sa sainda.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Deuteronomio 21:18

“Halimbawa an sarong tawo igwa nin aking lalaki na sutil asin matumang, sarong aki na dai nagkukuyog sa saiyang mga magurang maski pinapadusahan na ninda siya.

Deuteronomio 21:20

Masabi sinda sa mga lider, ‘Sutil saka matumang an aki ming ini asin habong magkuyog samo; paslo siya sagkod paraburat.’

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Santiago 1:22

Bako sanang dangogon nindo an tataramon nin Dios kundi gibohon; ta kun dai, kamo man sana an nagdadaya sa sadiri nindo.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.