Mga Talinhaga 15:30 - Marahay na Bareta Biblia

³⁰ An nakahuyom na lalawogon minapaogma nin puso, asin an marahay na bareta minapakosog nin boot.

Mga Talinhaga 15:30 ပူးပေါင်းရင်းမြစ်များ

Esdras 9:8

Alagad ngunyan, O Kagurangnan, na samuyang Dios, sa kadikit na panahon naherak ka asin tinugotan mong makadulag sa kaoripnan an nagkapira samo asin tinugotan mong mag-erok na ligtas sa banal na lugar na ini. Pinadulag mo kami sa kaoripnan asin tinawan mo nin bagong buhay.

Salmo 89:15

Paladan an mga tawong nagsasamba saimo huli sa mga awit, na naglalakaw sa liwanag nin saimong lalawogon!

Mga Talinhaga 12:25

An kahaditan minapagabat kan puso nin tawo, alagad minapaogma saiya an marahay na tataramon.

Mga Talinhaga 13:9

An matanos na tawo garo sarong maliwanag na ilaw, alagad an maraot nakakaarog sa napapalsok na ilawan.

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Mga Talinhaga 15:31

An tawong naghihinanyog sa tamang hatol magdadanay na kaibahan kan mga madonong.

Mga Talinhaga 17:22

An magayagayang puso sarong marahay na bolong, alagad an mamondong espiritu minaubos kan kosog nin tawo.

Mga Talinhaga 25:25

Arog sa malipot na tubig sa napapahang kalag an marahay na bareta hale sa harayong lugar.

Mga Talinhaga 3:8

Huli ta iyan magigin bolong kan saimong laman asin kaginhawahan kan saimong mga tolang.

Parahulit 11:7

Magayon an liwanag asin nakakawili an paghiling kan aldaw.

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.