Mga Talinhaga 15:28 - Marahay na Bareta Biblia

²⁸ An matanos minaisip ngona bago magsimbag. An maraot minasimbag tolos, alagad nagigin dahelan kan ribok.

Mga Talinhaga 15:28 ပူးပေါင်းရင်းမြစ်များ

Salmo 59:7

Hilinga kun paano sinda minakurahaw; an saindang dila garo mga espada sa saindang ngoso; naghohona sindang mayo nin nakakadangog.

Mga Talinhaga 10:19

Kun mas dakul an tataramon, dakul man an kasalan; an igwa nin marahay na isip, bakong matinaram.

Mga Talinhaga 10:32

An matanos nagtataram kan mahuyong tataramon, alagad an maraot nagtataram kan mga bagay na nakakakulog.

Mga Talinhaga 13:16

Minaisip ngona an madonong bago maghiro, alagad an lolong nagpapahiling kan saiyang kamangmangan.

Mga Talinhaga 15:2

An dila kan madonong nagwawaras nin pakaaram, alagad an ngoso kan mga mangmang nagbubuga nin kamangmangan.

Mga Talinhaga 16:23

An madonong minaisip ngona bago magtaram, kaya orog na nakakadagka an saiyang mga tataramon.

Mga Talinhaga 29:11

Hayag kun maanggot an mangmang, alagad mayong girong na pinupugol kan madonong an saiyang kaanggotan.

Mga Talinhaga 29:20

Mas may paglaom an sarong mangmang ki sa tawong basta na sana minataram.

Parahulit 5:2

Mag-isip ka ngona bago ka magtaram; dai ka tolos-tolos manuga sa Dios, huli ta an Dios nasa langit, mantang ika nasa daga. Kaya dai ka magtaram nin sobra sa dapat mong itaram.

Parahulit 5:6

Hare pagtugot na an saimong mga tataramon iyo an magdara saimo sa kasalan, tanganing dai ka magsabi sa sugo nin Dios na dai mo man idto tinutuyo. Tano ta papaanggoton mo an Dios asin ipaparaot mo saiya an saimong pinagpagalan?

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.

1 Pedro 3:15

Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.