Mga Talinhaga 15:27 - Marahay na Bareta Biblia

²⁷ An tawong gutom sa kwarta nagdadara nin problema sa saiyang pamilya, alagad an naoongis sa suhol mabubuhay sa halawig na panahon.

Mga Talinhaga 15:27 ပူးပေါင်းရင်းမြစ်များ

1 Mga Hade 2:40

kinamaderohan niya an saiyang asno asin nagpasiring ki Hadeng Akis sa Gat, tanganing hanapon an saiyang mga oripon. Nakua niya sinda asin ibinalik sa saiyang harong.

2 Mga Hade 5:27

Kaya an helang ni Naaman mapapasaimo asin sa saimong mga kapagarakian sagkod pa man!” Kan maghale si Gehazi, igwa na siya kan helang ni Naaman—an saiyang kublit nagin maputi siring sa ambon.

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Exodo 23:8

Dai ka mag-ako nin suhol, huli ta an suhol nakakabuta sa tawo asin nakakapadaog sa mga tawong mayong sala.

Mga Talinhaga 1:19

Siring kaiyan an nangyayari sa kiisay man na nabubuhay sa kadahasan; an panghahabon iyo an magadan sa mahabon.

Mga Talinhaga 11:19

An tawong nagdadanay sa katanosan mabubuhay, alagad an naglalamag sa karatan magagadan.

Mga Talinhaga 11:29

An tawo na minadara nin problema sa saiyang pamilya maani sana nin doros. An lolong magdadanay na sorogoon kan madodonong.

Mga Talinhaga 15:26

Naoongis an Kagurangnan sa mga kaisipan na maraot, alagad nawiwili siya sa mga tataramon na mahuyo.

Mga Talinhaga 20:21

An kayamanan na dai pinagpagalan, kadikit an itataong karahayan.

Mga Talinhaga 23:4

Dai mo paggadanon an saimong sadiri sa pagpayaman; magin madonong ka tanganing malikayan mo iyan.

Mga Talinhaga 28:16

Magigin makuri an pamayo na mayo nin toltol na kaisipan. An naoongis sa pandadaya maghahaloy sa pamamahala.

Mga Talinhaga 28:25

An paslo iyo an nagigin dahelan nin iriwal, alagad an nananarig sa Kagurangnan magigin mauswag an buhay.

Mga Talinhaga 29:4

Kun may pagmakulog an hade sa hustisya, nagigin pusog an nasyon; alagad kun kwarta sana an saiyang pinagmamakulogan, raraoton niya an saiyang banwaan.

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

Deuteronomio 7:26

Dai nindo pagdarahon sa saindong harong an arin man sa mga dios-dios na iyan, tanganing dai kamo mamaldisyon arog kan mga iyan. Kaongisan nindo an mga ladawan na iyan huli ta minaldisyon sinda nin Kagurangnan.

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.

1 Timoteo 6:9

Alagad an mga boot yumaman nahuhulog sa sogot saka nasisiod sa dakul na mayong kahulogan saka nakakakulog na mga pagmawot, na minaguyod sainda sa karatan asin sa kapahamakan.

Josue 6:18

Alagad dai kamo magkua kan mga bagay na susuloon. Kun magkua kamo nin ano man, magdadara kamo nin kadimalasan asin kadaogan sa bilog na kampo nin Israel.

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”