Mga Talinhaga 15:25 - Marahay na Bareta Biblia

²⁵ Rinaraot nin Kagurangnan an mga harong kan mapaabaw-abaw, alagad iniingatan niya an mga pagsadiri kan babaeng balo.

Mga Talinhaga 15:25 ပူးပေါင်းရင်းမြစ်များ

An Libro ni Job 24:21

Nangyari iyan huli ta dai niya ginalangan an mga babaeng balo, asin dai niya naherakan an mga babaeng baog.

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 138:6

Huli ta maski ika yaon sa kaitaasan, an mapakumbaba saimong inaataman, alagad an mapaabaw-abaw, maski sa harayo saimong namimidbidan.

Salmo 146:9

An mga dayuhan sinusurog nin Kagurangnan, an mga ilo asin balo saiyang tinatabangan, alagad rinaraot niya an mga plano kan mga tampalasan.

Salmo 52:1

O dakulang tawo, tadaw ta ipinaghahambog mo an saimong karatan, na ginibo mo tumang sa tawong banal?

Salmo 52:5

Alagad tutunawon ka nin Dios sagkod pa man; kukuahon ka niya asin hahaleon sa saimong erokan; gagaboton ka niya sa daga nin mga nabubuhay.

Mga Talinhaga 12:7

An mga maraot nagagadan asin mayong iwinawalat na kapagarakian, alagad an mga pamilya kan mga matanos magdadanay sagkod lamang.

Mga Talinhaga 14:11

Magdadanay na nakatindog an harong kan matanos, alagad magagaba an harong kan tampalasan.

Mga Talinhaga 15:26

Naoongis an Kagurangnan sa mga kaisipan na maraot, alagad nawiwili siya sa mga tataramon na mahuyo.

Mga Talinhaga 23:10

Dai mo nanggad paghiroon an suanoy na muhon na haloy nang ibinugtak, o pagsakopon an daga kan mga ilo.

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Jeremias 5:28

nagin mataba saka mabaskog. Mayo nin kataposan an gibo nindang katampalasanan. Dai ninda ginagalangan an deretso kan mga ilo, ni pinapahilingan nin hustisya an mga naaapi.

Daniel 5:20

Alagad huli ta nagin mapalangkaw siya, nagin matagas an payo saka makuri, hinale siya sa saiyang trono asin hinale man an saiyang kamurawayan.

Deuteronomio 19:14

“Sa daga na itatao saindo nin Kagurangnan na saindong Dios, dai nindo paghiroon an mga muhon kan saindong kanatad, muhon na ibinugtak kaidto pang panahon.

Santiago 1:27

Sa Dios Ama, an malinig saka mayong digtang pagkamaki-Dios iyo ini: an pagtabang sa mga ilo asin sa mga babaeng balo sa saindang kasakitan, dangan an pag-ingat sa sadiri na dai madigtaan kan kinaban.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”