Mga Talinhaga 15:20 - Marahay na Bareta Biblia

²⁰ An madonong na aki nakakapaogma sa sarong ama. Lolong sana an minasikwal sa saiyang ina.

Mga Talinhaga 15:20 ပူးပေါင်းရင်းမြစ်များ

1 Mga Hade 1:48

asin namibi, ‘Pag-omawon an Kagurangnan, an Dios nin Israel, huli ta ngunyan pinagmarahay niyang mahiling ko an saro kan sakong mga aki na nakatukaw sa sakong trono!’”

1 Mga Hade 2:9

Alagad dai mo siya pabayaan na dai mapadusahan. Aram mo na kun ano an dapat gibohon; dai ka magtugot na magadan siya sa natural na paagi.”

1 Mga Hade 5:7

Naogma nin marahay si Hiram kan makaabot saiya an mensahe ni Solomon, kaya nagsabi siya, “Omawon an Kagurangnan ngunyan na aldaw huli ta tinawan niya si David nin sarong madonong na aki tanganing magin hade kan dakulang nasyon na idto!”

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Mga Talinhaga 10:1

Uya an mga talinhaga ni Solomon: An madonong na aki ikinakaogma nin saiyang ama. Alagad an lolong na aki sarong kamondoan nin saiyang ina.

Mga Talinhaga 13:1

An madonong na aki naghihinanyog kun sinasagwe siya kan saiyang ama, alagad an mapaabaw-abaw dai minaako na siya nasasala.

Mga Talinhaga 15:19

An dalan kan hugakon pano nin mga tonok, alagad an tinampo kan matanos mahiwas asin patag.

Mga Talinhaga 23:22

Hinanyoga an saimong ama na nagtao saimo nin buhay, asin dai mo pagbasang-basangon an saimong ina sa saiyang paggurang.

Mga Talinhaga 23:24

An ama nin matanos na tawo mapapano nin kaogmahan. Pwedeng ipag-orgulyo nin sarong ama an aking madonong.

Mga Talinhaga 29:3

An namomoot sa kadonongan minapaogma kan saiyang ama; alagad an nakikiiba sa mga babaeng maraot nagtatapok kan saiyang kabuhayan.

Mga Talinhaga 30:17

An siisay man na nag-oolog-olog sa saiyang ama o nagsisikwal sa saiyang ina sa paggurang kan mga ini dapat na ipakakan sa mga bwitre o ipatuka an mga mata sa mga uwak.

Levitico 19:3

Galangan kan lambang saro saindo an saiyang ina saka ama, asin otobon nindo an sakong mga Sabbath. Ako an Kagurangnan na saindong Dios.

Filipos 2:22

Aram nindo gabos na pinatunayan ni Timoteo an saiyang halaga; garo kami mag-ama na nagtabang para sa katuyohan kan Marahay na Bareta.