Mga Talinhaga 15:19 - Marahay na Bareta Biblia

¹⁹ An dalan kan hugakon pano nin mga tonok, alagad an tinampo kan matanos mahiwas asin patag.

Mga Talinhaga 15:19 ပူးပေါင်းရင်းမြစ်များ

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 27:11

Tukdoan sako, Kagurangnan, an saimong dalan, asin pangenote ako sa tamang agihan, huli ta dakul an sakong mga kaiwal.

Salmo 5:8

Kagurangnan, kadakul kan sakong mga kaiwal! Pangenote ako sa paggibo kan saimong kabotan; pantaya an saimong dalan na sakong aagihan.

Mga Talinhaga 11:5

An pagkamatanos kan sarong marahay na tawo iyo an minapagian kan saiyang buhay, alagad an karatan kan maraot iyo an minapahamak saiya.

Mga Talinhaga 15:18

An mainit na payo minapoon nin diskutiran, alagad an pagpugol sa sadiri minadara nin katoninongan.

Mga Talinhaga 15:20

An madonong na aki nakakapaogma sa sarong ama. Lolong sana an minasikwal sa saiyang ina.

Mga Talinhaga 22:13

An hugakon habong magluwas sa harong asin an idinadahelan iyo na tibaad gadanon siya sa luwas kan leon.

Mga Talinhaga 22:5

Mga tonok saka mga siod an nasa dalan kan tampalasan; an namomoot sa sadiri minalikay sa mga iyan.

Mga Talinhaga 26:13

Nagsasabi an hugakon, “May leon sa dalan! May leon sa mga tinampo!”

Mga Talinhaga 3:6

Giromdoma siya sa gabos mong gibo, asin an tamang dalan itutukdo niya saimo.

Mga Talinhaga 6:6

Tawong hugakon, hilinga an mga tanga; masdan mo an saindang pamumuhay asin magin madonong ka.

Mga Talinhaga 8:9

Malinaw ini para sa tawong may pakasabot; sa madonong, tama ini gabos.

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 57:14

Nagsasabi an Kagurangnan, “Pabalika sako an sakong banwaan. Halea nindo an gabos na nakakaolang sa saindang agihan! Maggibo kamo asin mag-andam nin tinampo!