Mga Talinhaga 15:17 - Marahay na Bareta Biblia

¹⁷ Mas marahay pang magkakan nin gulay kaiba an saimong mga namomotan ki sa magkakan nin masiram na karne na igwa nin kaanggotan.

Mga Talinhaga 15:17 ပူးပေါင်းရင်းမြစ်များ

Mga Talinhaga 16:8

Mas marahay an kadikit na kwarta na pinagpagalan ki sa kadakul na nakua sa pandadaya.

Mga Talinhaga 17:1

Mas marahay an pagkakan nin matagas na tinapay na igwang katoninongan, ki sa magbangkete sa harong na pano nin kariribokan.

Mga Talinhaga 21:19

Mas marahay pang mamuhay sa desyerto ki sa makiiba sa babaeng maribok saka mareneklamo.

Parahulit 4:6

Pwedeng tama iyan. Alagad mas marahay na igwa ka nin kadikit na nasasaray, na may katoninongan sa isip, ki sa padagos kang magpagal na garo man sanang paglamag sa doros.

Mateo 22:4

Nagsugo naman siya nin ibang mga sorogoon na tinugon, ‘Sabihan nindo an mga imbitado na andam na an bangkete; ipinabuno ko an mga pinatabang baka asin andam na an gabos. Kaya magdigdi na sinda sa bangkete!’

Lukas 15:23

Dangan daraha digdi an pinatabang ogbon na baka asin bunoa! Mag-ogma kita! Magbangkete kita!

Filipos 2:1

Kun pinapakosog kamo kan buhay diyan ki Cristo, rinaranga kan saiyang pagkamoot, nakikisumaro sa Espiritu, igwa kamo nin pagkaherak asin pakidumamay sa lambang saro,

1 Juan 4:16

Aram ta saka nananarig kita sa pagkamoot nin Dios sato. An Dios pagkamoot, asin an tawong nagdadanay sa pagkamoot nagdadanay sa Dios, asin an Dios nagdadanay saiya.