Mga Talinhaga 15:15 - Marahay na Bareta Biblia

¹⁵ Mapagal an lambang aldaw para sa nasasakitan, alagad an tawong maogma igwa nin nagdadanay na bangkete.

Mga Talinhaga 15:15 ပူးပေါင်းရင်းမြစ်များ

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

Mga Talinhaga 15:13

An pusong magayagaya minapaogma nin lalawogon, alagad an pusong mamondo minapaluya nin boot.

Mga Talinhaga 15:14

An tawong may pakasabot naghahanap nin pakaaram, alagad an mangmang kontento na sa saiyang kamangmangan.

Mga Talinhaga 15:16

Mas marahay pa an magin dukha na may pagkatakot sa Kagurangnan ki sa magin mayaman na pano nin kahandalan.

Mga Talinhaga 16:22

Para sa tawong madonong, an kadonongan burabod nin buhay; alagad an pagtukdo sa lolong pagsasayang nin panahon.

Mga Talinhaga 17:22

An magayagayang puso sarong marahay na bolong, alagad an mamondong espiritu minaubos kan kosog nin tawo.

Mga Gibo 16:25

Kan matanga na an banggi, namimibi saka nag-aawit nin himno si Pablo saka si Silas, mantang an ibang bilanggo nagdadangog sainda.

Roma 12:12

Mag-ogma kamo sa saindong paglaom; magmatinios kamo sa kasakitan. Danay kamong mamibi.

Roma 5:11

Bako sana iyan, nag-oogma kita sa Dios huli sa Kagurangnan tang si Jesu-Cristo, na dahel saiya kita naging katood nin Dios.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 1:5

Kun paanong kadamay kami kan dakulang kasakitan ni Cristo, siring man sa paagi ni Cristo, kahiras kami kan dakulang ranga nin Dios.

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.

1 Pedro 4:13

Alagad mag-ogma kamo sa pakihiras nindo sa mga kasakitan ni Cristo, tanganing mag-ogma man kamo asin maggayagaya kun ihayag na an saiyang kamurawayan.