Mga Talinhaga 14:8 - Marahay na Bareta Biblia

⁸ Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Mga Talinhaga 14:8 ပူးပေါင်းရင်းမြစ်များ

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 119:5

Linalaom ko na magigin maimbod ako sa pag-otob kan saimong mga katukdoan!

Salmo 119:73

Linalang mo ako asin iniingatan; tawe ako nin pakasabot, tanganing manodan ko an saimong mga kabotan.

Salmo 143:8

Pagkaaga pagiromdoman sako an danay mong pagkamoot, huli ta minasarig ako saimo. Itukdo mo sako an dalan na aagihan ko, huli ta an sakong kalag iniitaas ko saimo.

Mga Talinhaga 11:18

Mayong marahay na makukua an maraot na tawo, alagad an nagtatanom nin katanosan magkakamit nin marahay na balos.

Mga Talinhaga 12:5

Marahay an mga kaisipan kan matanos; an mga plano kan maraot pano nin pandadaya.

Mga Talinhaga 15:21

An mangmang naoogma sa saiyang kalolongan, alagad ginigibo kan madonong an matanos.

Mga Talinhaga 2:9

Kun maghinanyog ka sako, maaaraman mo kun ano an tama, matanos, saka dai nagpapalaen sa kapwa. Maaaraman mo kun ano an saimong gigibohon.

Mga Talinhaga 8:20

Naglalakaw ako sa dalan nin katanosan; sinusunod ko an mga agihan nin hustisya.

Parahulit 2:13

Dangan namidbid ko na an Kadonongan mas marahay ki sa kalolongan, siring na an liwanag mas marahay ki sa kadikloman.

Parahulit 2:16

Mayo nin nakakagiromdom sa mga madonong, asin siring man sa mga lolong. Sa maabot na mga aldaw, an gabos malilingawan. An gabos magagadan, madonong man o lolong!

Jeremias 13:20

Hilinga, Jerusalem! Nagdadangadang na an saimong mga kaiwal hale sa amihan! Haen na an mga tawong ipinapaniwala saimo, an banwaan na ipinag-orgulyo mo?

1 Corinto 3:19

Huli ta an kadonongan kan kinaban na ini, kalolongan para sa Dios. Siring sa nasusurat, “Sinisiod nin Dios an mga madonong na tawo sa sadiri nindang katusohan.”

Efeso 4:22

Kaya hubaon na nindo an daan na pagkatawo na pinaraot kan saindong mga marumpot na kamawotan.

Efeso 5:17

Dai kamo magin lolong, kundi hingowahon nindong masabotan kun ano an kabotan nin Kagurangnan saindo.

2 Timoteo 3:13

mantang an mga tawong maraot asin parasagin-sagin, padagos na magigin maraot, mga nandadaya saka nadadaya.

Santiago 3:13

Siisay an madonong saka may pakasabot diyan saindo? Huli kan matanos niyang pamumuhay, patotoohan niya iyan sa paagi kan saiyang mga gibo, sa kapakumbabaan asin kadonongan.