Mga Talinhaga 14:32 - Marahay na Bareta Biblia

³² An tampalasan ibinabagsak kan sadiring karatan, alagad an matanos iniingatan kan sadiring karahayan.

Mga Talinhaga 14:32 ပူးပေါင်းရင်းမြစ်များ

Genesis 49:18

“O Kagurangnan, halat ko an saimong kaligtasan.

An Libro ni Job 13:15

Ano kun gadanon ako nin Dios; mayo na ako nin paglaom. Alagad isasaysay ko saiya an sakong kaso.

An Libro ni Job 18:18

Aalawon siya paluwas sa daga kan mga nabubuhay, aalawon hale sa liwanag pasiring sa kadikloman.

Salmo 16:11

Ipinapahiling mo sako an dalan nin buhay; sa saimong atubang yaon an kapanoan nin kaogmahan, sa too mong kamot yaon an kaogmahan sagkod lamang.

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 23:4

Maski ako maglakaw sa dalan nin kadikloman, dai ako matatakot, Kagurangnan, huli ta ika sakong kaibahan. An saimong badas asin sugkod iyo sako nag-aataman.

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Salmo 58:9

Siring sa doot, berde man o alang, sighidon logod sinda nin Dios, bago magkaigwa nin tonok.

Salmo 73:24

Pinapangenotan mo ako huli kan saimong mga hatol, asin ngapit aakoon mo ako sa kamurawayan.

Mga Talinhaga 11:5

An pagkamatanos kan sarong marahay na tawo iyo an minapagian kan saiyang buhay, alagad an karatan kan maraot iyo an minapahamak saiya.

Mga Talinhaga 14:33

An kadonongan nag-eerok sa isip kan tawong may pakasabot, alagad an mga lolong mayo nin naaaraman manongod sa kadonongan.

Mga Talinhaga 24:16

Huli ta an matanos nakakatindog giraray maski siya matumba nin nagkapirang beses, alagad an tampalasan ibabagsak kan kasakitan.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Mga Talinhaga 6:15

Huli kaini, biglang maabot saiya an kapahamakan, asin an lugad na makukua niya dai nanggad mabobolong.

Lukas 2:29

“Kagurangnan, tugote nang magadan sa katoninongan an saimong sorogoon sosog sa saimong panuga,

Juan 8:21

Sinabihan pa sinda ni Jesus, “Mahale ako; hahanapon nindo ako, alagad magagadan kamo sa saindong mga kasalan. Dai kamo makakaduman sa dudumanan ko.”

Juan 8:24

Kaya sinabi ko saindo na magagadan kamo sa saindong mga kasalan. Kun dai kamo magtubod na talagang ‘Ako Iyo Ako,’ magagadan kamo sa saindong mga kasalan.”

Roma 9:22

Siring man kaiyan an ginibo nin Dios. Boot niyang ipahiling an saiyang kaanggotan saka ipahayag an saiyang kapangyarihan. Alagad tinios niya an mga tawong nagpaanggot saiya na maninigong tunawon.

2 Corinto 1:9

Namatean mi na garo kami hinatolan nin kagadanan. Alagad nangyari ini tanganing manarig kami bako sa sadiri ming kakayahan kundi sa Dios na iyo an nagbubuhay liwat kan mga gadan.

2 Corinto 5:8

Makosog an samuyang boot; asin mas boot mi pang maghale sa hawak na ini nganing masa kaibahan nin Kagurangnan.

Filipos 1:21

Huli ta para sako, an mabuhay iyo si Cristo; asin an magadan iyo an pagkinabang.

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.

Kapahayagan 14:13

Dangan nadangog ko an sarong tingog hale sa langit na nagsasabi, “Isurat mo ini: Poon ngunyan, paladan an mga magagadan na naglilingkod sa Kagurangnan!” Nagsimbag an Espiritu, “Totoong paladan! Makakapahingalo na sinda sa saindang mga pagpagal, huli ta magsusunod sainda an mga bunga kan saindang mga gibo.”