Mga Talinhaga 14:3 - Marahay na Bareta Biblia

³ An kapaabaw-abawan nin lolong iyo an nakakapataram saiya nin sobra; an tataramon nin madonong iyo an minaingat saiya.

Mga Talinhaga 14:3 ပူးပေါင်းရင်းမြစ်များ

An Libro ni Job 5:21

Susurogon ka niya sa tarom nin dila; ililigtas ka niya pagdatong kan pagkagaba.

Salmo 12:3

Paontoka an mga dilang putikon, Kagurangnan! Serahan mo an mga ngosong mapaabaw-abaw,

Salmo 31:18

An ngoso kan mga putikon saimong serahan, ta sa kaanggotan asin sa kapaabaw-abawan, tumang sa matanos sinda nagtataram.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Mga Talinhaga 12:6

An mga tataramon kan maraot nakakagadan, alagad an mga tataramon kan matanos minaligtas nin mga tawo.

Mga Talinhaga 13:3

An maingat magtaram nag-iingat man kan saiyang buhay, alagad an bakong maingat nagraraot kan sadiri niyang buhay.

Mga Talinhaga 14:4

Kun mayo nin baka, mayo nin anihon; huli ta sa kosog kan baka nagkakaigwa nin dakul na ani.

Mga Talinhaga 18:6

An mga ngabil kan lolong nagdadara nin iriwal, asin an saiyang ngoso naghahanap nin kulog sa hawak.

Mga Talinhaga 18:7

An ngimot kan lolong iyo an magdadara saiya sa kapahamakan, siring na an saiyang mga ngabil iyo an mabugtak saiya sa pag-alaman.

Mga Talinhaga 21:24

Itukdo mo sako an mahambog na tawo asin itutukdo ko man saimo an tawong mapaabaw-abaw, mapalangkaw saka dai nag-iisip kan karahayan nin iba.

Mga Talinhaga 22:8

Kun nagtanom ka nin inhustisya mag-aani ka nin kapahamakan, asin matatapos an pang-aapi mo sa iba.

Mga Talinhaga 28:25

An paslo iyo an nagigin dahelan nin iriwal, alagad an nananarig sa Kagurangnan magigin mauswag an buhay.

Daniel 7:20

Boot ko man maaraman an dapit sa nagtungang sadit na sungay na nagpatumba kan tolong sungay. Igwa ini nin mga mata saka ngoso na nagtataram nin kapaabaw-abawan. Makangirhat ini ki sa ibang mga sungay.

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.

Kapahayagan 3:10

Huli ta sinunod mo an pagboot ko na magin matinios ka, ililikay taka sa kasakitan na maabot sa bilog na kinaban, sa pagbalo kan gabos na tawo diyan.

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.