Mga Talinhaga 14:22 - Marahay na Bareta Biblia

²² Bako daw kasalan an pag-isip nin maraot? An nag-iisip nin marahay sinasarigan saka ginagalangan.

Mga Talinhaga 14:22 ပူးပေါင်းရင်းမြစ်များ

Genesis 24:27

asin nagsabi, “Pag-omawon an Kagurangnan, an Dios kan kagurangnan kong si Abraham, na nagpahiling kan saiyang danay na pagkamoot asin kaimbodan sa sakong kagurangnan; huli ta an Kagurangnan an nangenot sako pasiring sa mga kadugo kan sakong kagurangnan.”

2 Mga Cronica 6:8

Alagad tinaraman siya nin Kagurangnan, ‘Marahay an saimong kamawotan na magtugdok nin Templo para sa sakong ngaran,

Salmo 25:10

Pagkamoot asin kaimbodan an gabos niyang dalan, para sa mga nag-ootob kan saiyang tipan saka kabotan.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Salmo 61:7

O Dios, maghade logod siya sagkod pa man sa saimong atubang; logod siya bantayan kan danay mong pagkamoot asin pagkamaimbod.

Mga Talinhaga 12:2

Nawiwilihan nin Kagurangnan an marahay na tawo, alagad pinapadusahan niya an nag-iisip nin karatan.

Mga Talinhaga 12:26

An matanos na tawo iyo an giya kan saiyang katood, alagad an dalan kan maraot minapasiring sa pagkalagalag.

Mga Talinhaga 14:17

An tawong mainit an payo nakakaginibo nin kalolongan; an tawong madonong nagdadanay na toninong.

Mga Talinhaga 14:23

An gabos na pagpagal igwa nin pakinabang, alagad kadukhaan an aaboton kun gabos sana tataramon.

Mga Talinhaga 19:22

Kaimbodan an hinahagad sa sarong tawo; mas marahay an sarong dukha ki sa sarong putikon.

Mga Talinhaga 24:8

An danay na nag-iisip nin maraot aapodon na paraparibok.

Mga Talinhaga 3:29

Dai ka magplano nin maraot laban sa saimong kapwa, na nag-eerok sa kataed mo asin nananarig saimo.

Mga Talinhaga 3:3

Padanaya saimo an kaimbodan; ikulintas mo iyan sa saimong liog asin isurat sa saimong puso.

Mga Talinhaga 6:14

Karatan an nasa laog kan madaya niyang puso; maski saen, siya an nagpopoon nin iriwal.

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

Mateo 5:7

“Paladan an mga maheherakon, huli ta sinda maheherakan!

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Josue 2:14

Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”