Mga Talinhaga 14:21 - Marahay na Bareta Biblia

²¹ Kun boot mong magin maogma, kaherakan mo an dukha; kasalan an pagsikwal sa kiisay man.

Mga Talinhaga 14:21 ပူးပေါင်းရင်းမြစ်များ

Salmo 112:5

Paladan an tawo na matinao asin mapinasubli, na dai nagdadaya sa saiyang negosyo.

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Salmo 22:24

Huli ta dai siya nabaldi sa mga dukha, dai nalingaw kan saindang kasakitan; dai man niya sinda tinalikdan, ata ngani dinangog kan sinda mag-agrangay.”

Mga Talinhaga 11:12

Mayo nin toltol na kaisipan an tawong nagmemenos sa kapwa; alagad an tawong may pakasabot dai naggigirong.

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 17:5

An nagtutuyatuya sa dukha nag-iinsulto sa Dios na naglalang saiya. Papadusahan an nag-oogma sa maraot na palad nin iba.

Mga Talinhaga 18:3

Kun minaabot an karatan, minaabot man an kasosopgan. Kun nawawara an onra, minasalihid an pag-olog-olog.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 21:10

Danay na karatan na iniisip kan tampalasan; mayo siya nin pagkaherak sa kiisay man.

Mga Talinhaga 22:9

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Mga Talinhaga 28:27

An nagtatao sa mga dukha dai magkukulang, alagad an nagbibinuta sa saindang kamugtakan mamaldisyonon.

Mga Talinhaga 28:8

Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Lukas 18:9

Inosipon man ni Jesus an parabolang ini sa mga tawong naghohona na sinda marahay asin nagmemenos sa iba:

Mga Gibo 20:35

Ipinahiling ko saindo sa gabos na bagay, na sa paagi nin pagtrabaho nin maigot, dapat na tabangan ta an mga maluluya, asin giromdomon an mga tataramon na sinabi kan Kagurangnan na Jesus, ‘Mas paladan an nagtatao ki kan nag-aako.’”

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Hebreyo 6:12

Habo mi kamong magin hugakon, kundi arogon nindo idtong mga nagmamana kan mga ipinanuga nin Dios huli ta sinda nagtutubod asin mga matinios.