Mga Talinhaga 14:19 - Marahay na Bareta Biblia

¹⁹ An tawong maraot nagluluhod sa atubangan kan marahay, asin an tampalasan nakikimaherak sa mga trangkahan kan matanos.

Mga Talinhaga 14:19 ပူးပေါင်းရင်းမြစ်များ

Genesis 42:6

Bilang gobernador, nagpabakal si Jose nin pagkakan sa mga tawong hale sa manlaen-laen na lugar kan kinaban. Pag-abot sa Egipto kan mga tugang ni Jose, nagdapa sinda sa atubang niya.

Genesis 43:28

Nagsimbag sinda, “Buhay pa siya asin marahay an kamugtakan.” Dangan nagruluhod sinda sa saiyang atubang.

2 Mga Hade 3:12

“Tunay siyang propeta,” an sabi ni Hadeng Jehosafat. Kaya nagduman ki Eliseo an tolong hade.

Salmo 49:14

Arog kan mga karnero, magagadan man sinda; an Kagadanan iyo an saindang magigin pastor. Dadaogon sinda kan mga matanos, mantang an saindang mga hawak naglalapa sa lugar nin mga gadan, harayo sa saindang mga harong!

Exodo 11:8

Tinapos ni Moises an saiyang pagtaram kan siya magsabi, “Marani dangan maluhod sako an gabos mong opisyal asin makikimaherak na humale na ako kaiba an sakong mga kahimanwa. Dangan mahale ako.” Pakasabi kaini, anggot na marahay na binayaan ni Moises an hade.

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Mga Talinhaga 11:29

An tawo na minadara nin problema sa saiyang pamilya maani sana nin doros. An lolong magdadanay na sorogoon kan madodonong.

Mga Talinhaga 14:18

Nakukua kan mangmang an maninigo sa saiyang kalolongan, alagad babalosan nin pakaaram an tawong may toltol na kaisipan.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Malakias 4:3

Sa aldaw na humiro ako, madadaog nindo an mga maraot na tawo, asin makakaagid sinda sa alpog sa irarom kan saindong mga bitis.

Mga Gibo 16:39

Kaya nagduman sinda saka naghagad nin tawad ki Pablo asin ki Silas. Pinaluwas ninda an duwa dangan pinakiolayan na humale na sa syudad.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.

1 Samuel 2:36

An siisay man sa saimong kapagarakian na dai magadan, madolok sa pading iyan asin mahagad nin kwarta saka pagkakan, patin makikimaherak na tugotan na makatabang sa mga padi, tanganing igwa sanang makakan.”