Mga Talinhaga 14:10 - Marahay na Bareta Biblia

¹⁰ Sadiri mo an saimong kaogmahan; an saimong kapaitan nin boot sadiri mo man. Mayo nin pwedeng makihiras saimo kaiyan.

Mga Talinhaga 14:10 ပူးပေါင်းရင်းမြစ်များ

Genesis 42:21

asin nag-orolay, “Nagbabayad na kita ngunyan kan ginibo ta sa satong tugang. Nahiling nyato an saiyang kasakitan kan makimaherak siya sato, alagad dai ta siya dinangog. Ngunyan kita man an pinapasakitan.”

2 Mga Hade 4:27

alagad pag-abot ki Eliseo, kinapotan niya an mga bitis ni Eliseo. Itutuklang kutana ni Gehazi an Sunamita, alagad nagsabi si Eliseo, “Pabayae siya; huli ta makuri an saiyang kamondoan; tinago ini sako kan Kagurangnan asin dai ako sinabihan.”

An Libro ni Job 10:1

“Naoongis ako sa sakong buhay. Hinanyoga an mapait kong inagrangay.

An Libro ni Job 21:25

An iba nagagadan na may kapaitan sa saindang kalag, na dai lamang nakanamit nin kaogmahan.

An Libro ni Job 7:11

Kaya dai ko pupugolon an sakong ngoso; sa kulog nin sakong hawak mataram ako; sa pait nin sakong kalag, ako mareklamo.

An Libro ni Job 9:18

Dai niya ako pinapahangos; pinano niya nin kapaitan an sakong buhay.

Salmo 25:14

Mga katood nin Kagurangnan an mga may pagkatakot saiya; an saiyang tipan ipinapahayag niya sainda.

Mga Talinhaga 15:13

An pusong magayagaya minapaogma nin lalawogon, alagad an pusong mamondo minapaluya nin boot.

Mga Talinhaga 18:14

An pagmawot na mabuhay iyo an magpapakosog sa sarong naghehelang; alagad kun mawara iyan, mawawara man an saiyang huring paglaom.

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Juan 12:27

“Ngunyan napupurisaw an sakong kalag. Ano an sasabihon ko? Masabi daw ako, ‘Ama, ligtasan ako sa oras na ini’? Dai! Huli ta ini an dahelan kun tadaw ta nagdigdi ako—tanganing agihan ko an oras na ini nin kasakitan.

Juan 14:18

“Dai ko kamo papabayaan paghale ko; babalikan ko kamo.

Juan 14:23

Nagsimbag si Jesus, “An namomoot sako, makuyog kan sakong itinukdo. Mamomotan siya kan sakong Ama; an Ama asin ako maduman saka maerok sa kaibahan niya.

Filipos 4:7

Dangan an katoninongan nin Dios na dai matugkad kan isip nin tawo iyo an mag-iingat kan saindong puso saka isip diyan ki Cristo Jesus.

1 Pedro 1:8

Namomotan nindo siya, maski dai nindo siya nahiling; nagtutubod kamo saiya, maski dai pa nindo siya nahihiling ngunyan; kaya dakula asin dai masabi an saindong kaogmahan,

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

1 Samuel 1:15

Alagad nagsimbag si Hanna, “Bako man akong burat. Mamondo sana ako nin marahay asin ipinapahayag ko an sakong problema sa Kagurangnan.