Mga Talinhaga 13:25 - Marahay na Bareta Biblia

²⁵ An matanos dai nahahalean nin pagkakan, alagad danay na gutom an tampalasan.

Mga Talinhaga 13:25 ပူးပေါင်းရင်းမြစ်များ

Salmo 103:5

An buhay ko pinapano niya nin mga biyaya, kaya danay akong hoben asin makosog arog kan agila.

Salmo 132:15

Dakulang bendisyon an itatao ko sa Sion, an saiyang mga dukha babasogon ko sa kakanon.

Salmo 34:10

Maski an mga leon nagugutom sa kakulangan nin pagkakan, alagad an nagkukuyog sa Kagurangnan dai pagkukulangon nin mga marahay na bagay.

Salmo 37:16

Orog na mahalaga an kadikit na sadiri nin matanos, ki sa kayamanan nin dakul na maraot;

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Mga Talinhaga 10:3

Dai pinapabayaan nin Kagurangnan na magutom an mga matanos, alagad an kamawotan kan mga tawong maraot dai niya itinutugot na mangyari.

Mga Talinhaga 13:18

An tawo na habong makanood magigin dukha asin mapapasopog, alagad an siisay man na naghihinanyog sa pagsagwe gagalangan.

Mga Talinhaga 24:34

dangan masalakay saimo an kadukhaan siring sa armadong mahabon.

Mga Talinhaga 6:11

asin masalakay saimo an kadukhaan siring sa armadong mahabon.

Lukas 15:14

Naubos an gabos niyang kwarta. Dangan nagkaigwa nin makuring gutom sa lugar na idto asin nagpoon man siyang magtios.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

Deuteronomio 32:24

Magagadan sinda sa gutom saka kalentura, asin sa makatakot na mga helang. Isusubol ko sa pagsalakay sainda an mga maringis na hayop, asin an mga makamandag na halas na makagat sainda.

2 Tesalonica 3:10

Huli ta kan kami kaiba pa nindo, sinabi mi saindo na, “An siisay man na habong magtrabaho, dai dapat pakakanon.”

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”