Mga Talinhaga 13:22 - Marahay na Bareta Biblia

²² An marahay na tawo magwawalat nin pamana sa saiyang mga makoapo, alagad an kayamanan kan parakasala mapapasakamot kan matanos.

Mga Talinhaga 13:22 ပူးပေါင်းရင်းမြစ်များ

Esdras 9:12

Kaya dai nindo ipagpaagom an saindong mga aking babae sa mga aki ninda, asin an saindong mga aking lalaki dai nindo pagpaagomon sa mga aki ninda. Dai nindo sinda pagtabangan na mag-uswag tanganing kumosog kamo saka magkakan kan bunga kan daga dangan ikapamana nindo iyan sa saindong mga aki sagkod pa man.’

Salmo 102:28

An samuyang mga aki mabubuhay na ligtas; sa saimong atubang mayong kahandalan an saindang kapagarakian.

Salmo 112:2

Magigin mapangyari sa daga an saiyang mga kapagarakian; an henerasyon nin mga matanos magigin paladan.

Salmo 128:6

Mahiling mo logod an mga aki kan saimong kaakian! An katoninongan mapasa-Israel!

Salmo 37:25

Aki pa ako kaidto, asin ngunyan gurang na; alagad dai ko pa nahiling na pinabayaan nin Kagurangnan an matanos na tawo o na an saiyang mga aki nakilimos nin tinapay.

Mga Talinhaga 17:6

Ipinag-oorgulyo kan mga lolo an saindang mga makoapo, siring na ipinag-oorgulyo kan mga aking lalaki an saindang mga ama.

Mga Talinhaga 28:8

Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.