Mga Talinhaga 13:17 - Marahay na Bareta Biblia

¹⁷ An maraot na sugo iyo an nagigin dahelan nin ribok, alagad an masasarigan na sugo minadara nin katoninongan.

Mga Talinhaga 13:17 ပူးပေါင်းရင်းမြစ်များ

Mga Talinhaga 10:26

Garo maalsom na suka saka asong nakakapaluha an sarong hugakon sa nagsusugo saiya.

Mga Talinhaga 13:18

An tawo na habong makanood magigin dukha asin mapapasopog, alagad an siisay man na naghihinanyog sa pagsagwe gagalangan.

Mga Talinhaga 25:13

An maimbod na sugo kaginhawahan kan nagsugo, arog kan malipot na tubig sa panahon nin tig-init.

Mga Talinhaga 25:23

Kun paano nagdadara nin uran an amihan na doros, nagdadara man nin kaanggotan an paglibak.

Mga Talinhaga 26:6

Kun lolong man sana an papadarahon mo kan saimong mensahe, mas marahay pang putolon mo na sana an saimong mga bitis; karibokan an saimong hinahanap.

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Ezekiel 3:18

Kun magtaram akong magagadan an sarong maraot na tawo alagad dai mo siya pinatanidan tanganing mabago an saiyang gawe tanganing makaligtas an saiyang buhay, magagadan siya sa saiyang kasalan, alagad ika an babasolon ko sa saiyang pagkagadan.

Mga Bilang 31:8

kaiba an limang hade kan Midian na si Evi, Rekem, Zur, Hur, asin Reba. Ginadan man ninda si Balaam na aking lalaki ni Beor.

1 Corinto 4:2

An tawong pinaniwalaan kaipuhan magin maimbod sa kagurangnan niya.

2 Corinto 2:17

Bako kaming arog sa ibang tawo na an paghulit kan tataramon nin Dios garo sana pagpabakal nin baratong paninda; sinugo kami nin Dios, kaya tudok sa puso kaming nagtataram sa atubangan niya bilang sorogoon ni Cristo.

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.

1 Timoteo 1:12

Nagpapasalamat ako ki Cristo Jesus na satong Kagurangnan, na nagtao sako nin kosog para sa sakong trabaho. Nagpapasalamat ako saiya huli ta ibinilang niya akong maninigo saka pinili niyang maglingkod saiya,

2 Timoteo 2:2

An mga katukdoan na nadangog mong ipinahayag ko sa atubang nin dakul na saksi, itukdo mo man sa mga tawong masasarigan, na makakatukdo man sa iba.