Mga Talinhaga 13:11 - Marahay na Bareta Biblia

¹¹ Madaling maubos an kayamanan na madali sanang nakamtan, alagad orog na madakul an kayamanan na haloy na pinagpagalan.

Mga Talinhaga 13:11 ပူးပေါင်းရင်းမြစ်များ

An Libro ni Job 20:15

Isinusuka kan maraot an kayamanan na saiyang hinabon; binabawi iyan nin Dios, maski nasa tulak na niya.

Salmo 128:2

Kakakanon mo an bunga kan saimong kapagalan; magigin maogma ka asin magkakaigwa nin kauswagan.

Mga Talinhaga 10:2

An kayamanan na nakua huli sa pandadaya dai minatao nin karahayan, alagad an pagigin onesto pwedeng magligtas kan saimong buhay.

Mga Talinhaga 13:10

An kapaabaw-abawan mayo nin ibubunga kundi iriwal. Sarong kadonongan an paghagad nin hatol.

Mga Talinhaga 13:12

Kun nawawara an paglaom naroronot an puso, alagad an kamawotan na naotob nagtatao nin kaogmahan.

Mga Talinhaga 20:21

An kayamanan na dai pinagpagalan, kadikit an itataong karahayan.

Mga Talinhaga 21:6

An kayamanan na nakukua sa pandadaya sarong ambon na madaling mapara asin litag nin kagadanan.

Mga Talinhaga 28:20

An onestong tawo mag-aako nin dakul na bendisyon, alagad an naghihidali sa pagyaman papadusahan.

Mga Talinhaga 28:22

Sa paghihidali kan kuripot na siya yumaman, dai niya naaaraman na maabot saiya an kadukhaan.

Mga Talinhaga 28:8

Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Parahulit 5:14

Dangan an kwartang iyan nawawara sa negosyo na dai nag-uswag. An kataposan iyo an mayo siyang ikakawalat na pamana sa saiyang mga aki.

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.